నిత్య అన్నదాన ట్రస్టుకు రూ.10 వేల విరాళం
కోటబొమ్మాళి, నవంబరు 21, మేజర్ న్యూస్: స్థానిక శ్రీ కొత్తమ్మతల్లి ఆలయంలో నిర్వహిస్తున్న నిత్య అన్నదాన ట్రస్టుకు హైదరాబాద్కు చెందిన దాత తామాడ రామ్జీవన్ రూ.10,116 విరాళంగా అందజేశారు. అమ్మవారి సన్నిధిలో ఈ నగదును ఆలయ కార్యనిర్వహణాధికారి (ఈవో) వాకచర్ల రాధాకృష్ణకు ఆయన సమర్పించారు. ఈ సందర్భంగా ఆలయ సంప్రదాయం ప్రకారం అర్చకులు దాత పేరున ప్రత్యేక పూజలు నిర్వహించి, స్వామివారి తీర్థప్రసాదాలను అందజేశారు. భక్తులు, దాతలు ఇలాగే ముందుకు వచ్చి శ్రీ కొత్తమ్మతల్లి ఆలయ అభివృద్ధికి తమ వంతు సహకారం అందించాలని ఈవో రాధాకృష్ణ ఈ సందర్భంగా కోరారు.