నేత్రదానంతో మానవత్వం చాటిన కుటుంబం

అవనిగడ్డ, మేజర్ న్యూస్: అనారోగ్యంతో మృతి చెందిన బడుగు చినబాబు (56) నేత్రాలను కుటుంబ సభ్యులు దానం చేసి మానవత్వాన్ని చాటారు. చినబాబు బుధవారం మృతి చెందగా, విషయం తెలుసుకున్న నాగాయలంకకు చెందిన సుదర్శి మానవతా సేవాసంస్థ నిర్వాహకులు మృతుడి భార్య పద్మ, కుమారులు యశ్వంత్, కార్తీక్‌లతో మాట్లాడి నేత్రదానానికి అంగీకరింపజేశారు. విజయవాడలోని ఎల్‌వీ ప్రసాద్ నేత్ర వైద్యశాల వైద్యుడు కుమార్ బందలాయిచెరువుకు చేరుకుని చినబాబు నేత్రాల నుంచి కార్నియాలను సేకరించారు. ఈ నేత్రదానంతో తమ సంస్థ ద్వారా ఇప్పటివరకు 304వ నేత్రదానం పూర్తయినట్లు సంస్థ ప్రతినిధి రఘుశేఖర్ తెలిపారు.

✍️ అజంతా శ్రీనివాస్, అవనిగడ్డ, కృష్ణాజిల్లా