నేటి బాలలే రేపటి భావి భారత పౌరులు-- ఎంపీటీసీ సురేష్ కుమార్

నరసాపురం రూరల్, మేజర్ న్యూస్ :నేటి బాలలే రేపటి భావి భారత పౌరులుగా అభివృద్ధి అవుతారని చిన్ననాటి నుండి విద్యాబుద్ధులతో పాటు క్రమశిక్షణ అలవర్చుకోవాలని ఎంపీటీసీ రావూరి సురేష్ కుమార్ అన్నారు. శుక్రవారం బాలల దినోత్సవం సందర్భంగా మండలంలోని కొప్పర్రు గ్రామం  స్థానిక ఎలిమెంటరీ స్కూల్లో నిర్వహించిన కార్యక్రమానికి ఆయన ముఖ్య అతిథిగా హాజరయ్యారు. ఈ సందర్భంగా సురేష్ కుమార్ మాట్లాడుతూ విద్యార్థుల అభివృద్ధి కోసం ప్రభుత్వం అనేక మౌలిక వసతులు కల్పిస్తున్నదని వాటిని సద్వినియోగం చేసుకుని అభివృద్ధి కావాలన్నారు. చిన్ననాటి నుండి క్రమశిక్షణతో విద్యాభ్యాసం చేయటం ద్వారా ఉన్నత శిఖరాలు అధిరోహించవచ్చునని ఆయన తెలిపారు. అనంతరం విద్యార్థులకు విద్యా సామాగ్రిని అందజేశారు. ఈ సందర్భంగా జరిగిన సభకు విద్యా కమిటీ చైర్మన్ గణపా బత్తుల రేవతి అధ్యక్షత వహించగా, ప్రధానోపాధ్యాయులు ఉప్పుగంటి రాజశ్రీ తదితరులు మాట్లాడారు.