నీటి మునిగిన వెయ్యి ఎకరాల వరి సాగు

నీట మునిగిన వెయ్యి ఎకరాల వరిసాగు 

ఆదుకోవాలంటూ రైతుల వేడుకోలు 

తాడేపల్లిగూడెం, మేజర్ న్యూస్; మూడు మాసాల వర్షం లేదు. ఈ మూడు రోజుల వర్షానికి వేలాది ఎకరాలు నీట మునిగాయి. ప్రభుత్వాలు మారుతున్న మా తలరాతలు మారడం లేదంటూ గగ్గోలు పెట్టిన రైతులు. రాష్ట్రంలో తుఫాను బీభత్సం సృష్టించడంతో తాడేపల్లిగూడెం మండలం జగన్నాథపురం గ్రామంలోని  సుమారు 1100 ఎకరాల వరి పంట నీట మునిగి రైతులు తీవ్ర ఆవేదన వ్యక్తం చేస్తున్నారు. ఏటా తుఫానుల వల్ల రైతులు విపరీతంగా నష్టపోతున్నామని బాపోయారు. పొట్ట దశకు చేరుకున్న పంట మునిగిపోతుండటంతో పెట్టుబడులు పోయి, కౌలు చెల్లించలేక, చేసిన అప్పులు తీర్చలేక అల్లాడి పోతున్నామని అన్నదాతలు వాపోతున్నారు. నందమూరి అక్విడేట్ వద్ద పేరుకుపోయిన చెత్త వల్ల నీరు వేగంగా ప్రయాణించకపోవడం, వర్షపు నీరు క్రిందకు వెళ్లే మార్గం లేకపోవడంతో ప్రతి యేడాది పంటలు దెబ్బతింటున్నాయని వాపోయారు. ఎకరాకు సుమారు 30 వేల రూపాయలు పెట్టుబడి పెట్టినట్లు, రెండు పంటలు నాశనం అయిపోయి ఇన్పుట్ సబ్సిడీ రాక ప్రభుత్వం అందించే బీమా, ఎరువులు చాలా ఇబ్బంది పడుతున్నామంటూ వాపోయాను. కౌలు రైతులయితే ప్రభుత్వ సహాయ కోసం ఎదురుచూస్తున్నామన్నారు. ఈ నేపథ్యంలో పంట నష్టపోయిన ప్రాంతాన్ని స్థానిక ఎమ్మెల్యే బొలిశెట్టి శ్రీనివాస్ స్వయంగా వచ్చి పరిశీలించి శాశ్వత పరిష్కారదిశగా హామీ ఇచ్చారు, ప్రభుత్వం తక్షణమే స్పందించి ఎకరాకు పూర్తి స్థాయి నష్టపరిహారం అందించి, ఈ ముంపు సమస్యకు శాశ్వత పరిష్కారంగా రైల్వే బ్రిడ్జి వద్ద తూములు మరియు ఫ్లైఓవర్ ఎత్తు పెంచేలా తగిన చర్యలు తీసుకోవాలని రైతులు కోరుతున్నారు.

 శ్రీనివాస్ తాడేపల్లిగూడెం