telanagana
డా. మన్మోహన్ సింగ్ సేవలు చిరస్మరణీయం దేశ ఆర్థిక ప్రగతికి ఆయన కృషి ఆదర్శనీయం సంక్షేమ శాఖ మంత్రి అడ్లూరి లక్ష్మణ్కుమార్
తెలంగాణ బ్యూరో ప్రతినిధిః మాజీ ప్రధానమంత్రి, ప్రముఖ ఆర్థికవేత్త డా. మన్మోహన్ సింగ్ జయంతి సందర్భంగా సంక్షేమ శాఖ మంత్రి అడ్లూరి లక్ష్మణ్కుమార్ ఆయనను స్మరించుకుంటూ ఘన నివాళులు అర్పించారు. దేశ ఆర్థికాభివృద్ధికి, సమగ్ర ప్రగతికి డా. మన్మోహన్ సింగ్ అందించిన సేవలు చిరస్మరణీయమని మంత్రి పేర్కొన్నారు. ప్రధానమంత్రిగా ఆయన చూపిన సరళత, విజ్ఞానం, నిబద్ధతతో కూడిన నాయకత్వం ప్రజాసేవలో ప్రత్యేక ముద్ర వేశాయని అన్నారు.
ఆర్థిక సంస్కరణలకు పునాది వేసి దేశ ప్రగతికి బాటలు వేసిన డా. మన్మోహన్ సింగ్ జీవితం, సేవలు భావితరాలకు స్ఫూర్తిదాయకమని మంత్రి తెలిపారు. ఆయన ఆశయాలు, ప్రజాసేవా స్ఫూర్తిని ముందుకు తీసుకెళ్లడమే ఆయనకు అందించే నిజమైన నివాళి అని అడ్లూరి లక్ష్మణ్కుమార్ అన్నారు.
