వైయస్సార్సీపి కార్యాలయంలో పదవుల పండుగ
వైయస్సార్సీపి కార్యాలయంలో పదవుల పండుగ
పదవులు లభించిన వారిని సత్కరించిన వైఎస్ఆర్సిపి నేత వడ్డీ రఘురాం
తాడేపల్లిగూడెం, మేజర్ న్యూస్; తాడేపల్లిగూడెం నియోజకవర్గ వైఎస్సార్ కాంగ్రెస్ పార్టీలో వివిధ పదవులు పొందిన నాయకులను పార్టీ కార్యాలయంలో నియోజకవర్గ కోఆర్డినేటర్ వడ్డీ రఘురాం నాయుడు ఘనంగా సత్కరించారు. ఈ కార్యక్రమంలో పలువురు పార్టీ నాయకులు, కార్యకర్తలు, అభిమానులు పాల్గొన్నారు. ఈ సందర్భం గా తాడేపల్లిగూడెం మున్సిపల్ విభాగంలో ఉపాధ్యక్షులుగా కాకర్ల శ్రీనివాసు, పట్నాల గణపతి, ప్రధాన కార్యదర్శి బండి నరసింహారావు, చామన సూర్య చంద్రరావు, కార్యదర్శులుగా కొరపాటి వెంకటేశ్వరరావు, ఎం.డి. రఫీలను ఎన్నిక చేసి వారిని సత్కరించారు. తాడేపల్లిగూడెం నియోజకవర్గ యూత్ వింగ్ అధ్యక్షులు గా వీర్ల వెంకటేష్, మున్సిపల్ యూత్ వింగ్ అధ్యక్షులుగా మారిశెట్టి వెంకటరమణ, ప్రధాన కార్యదర్శిగా దత్తి సాయి, కార్యదర్శులుగా పాణ్యం శ్రీనివాస రెడ్డి, వంగీత వాసు, సీరందాసు దుర్గ ప్రసాద్లను నియమించి వారిని ఘనంగా సత్కరించారు. రూరల్ మండల యూత్ వింగ్ అధ్యక్షులుగా ఎన్నికైన కనకపాటి ప్రశాంత్ ను సన్మానం చేశారు. వివిధ హోదాల్లో బాధ్యతలు స్వీకరించిన నాయకులకు శాలువాలు కప్పి, పుష్ప గుచ్ఛాలు అందించి వడ్డీ రఘురామ్ నాయుడు అభినందనలు తెలిపారు. పార్టీకి మరింత సేవ చేయాలని, తమకు అప్పగించిన బాధ్యతలను సమర్థవంతంగా నిర్వహించాలని ఆయన ఆకాంక్షించారు. ఈ సందర్భంగా సత్కారం అందుకున్న నాయకులు వడ్డీ రఘురామ్ నాయుడుకు కృతజ్ఞతలు తెలిపారు. పార్టీ బలోపేతానికి, ప్రజలకు అందుబాటులో ఉంటూ తమకు అప్పగించిన బాధ్యతలను నిబద్ధతతో నిర్వహిస్తామని వారు పేర్కొన్నారు.
శ్రీనివాస్ తాడేపల్లిగూడెం
