తీర్మలపూర్‌లో ఘనంగా వినాయక చవితి వేడుకలు..

రూ.2,11,116కు వినాయకుడి లడ్డూ వేలం

కుల్కచర్ల, మేజర్ న్యూస్ (సెప్టెంబర్ 26):కుల్కచర్ల మండల పరిధిలోని తీర్మలపూర్ గ్రామంలో వినాయక చవితి వేడుకలను భక్తిశ్రద్ధలతో ఘనంగా నిర్వహించారు. ఈ సందర్భంగా వినాయక మండపం వద్ద ప్రత్యేక పూజలు నిర్వహించి అనంతరం స్వామివారి లడ్డూ ప్రసాదానికి వేలం పాట నిర్వహించారు. వేలం పాటలో గ్రామ ఉపసర్పంచ్ శివయ్య రూ.2,11,116లకు లడ్డూ ప్రసాదాన్ని దక్కించుకున్నారు. లడ్డూ వేలంలో విజేతగా నిలిచిన శివయ్యను గ్రామస్థులు, భక్తులు అభినందించారు. వినాయకుడి ఆశీస్సులతో గ్రామ ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. ఈ సందర్భంగా శివయ్య మాట్లాడుతూ... వినాయకుడి లడ్డూ ప్రసాదాన్ని వేలం పాటలో దక్కించుకోవడం ఎంతో ఆనందంగా ఉందని అన్నారు. శ్రీ వినాయకుడి ఆశీస్సులతో గ్రామ ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. గ్రామంలో ప్రతి ఒక్కరూ ఐకమత్యంతో ఉండి అభివృద్ధికి సహకరించాలని కోరారు. వినాయక చవితి వేడుకలను భక్తిశ్రద్ధలతో ఘనంగా నిర్వహించిన నిర్వాహకులు, గ్రామస్థులకు ఆయన ప్రత్యేక కృతజ్ఞతలు తెలిపారు. ఈ కార్యక్రమంలో గ్రామస్థులు, యువకులు, భక్తులు పెద్ద సంఖ్యలో పాల్గొన్నారు.రిపోర్టర్ వడ్ల వినోద్ కుమార్.