BREAKING
కోఆప్షన్, ఎంపీపీ, వైస్ ఎంపీపీ ఎన్నికలను నిబంధనల మేరకు నిర్వహించాలి కార్తీక మాసం సందర్భంగా మల్లేశ్వరస్వామి ఆలయంలో విశేష పూజలు శ్రీ కనకదుర్గమ్మను దర్శించుకున్న పాఠశాల విద్యార్థులు శ్రీ కనకదుర్గమ్మను దర్శించుకున్న శేఖర్ మాస్టర్ రిటైర్మెంట్‌తో పాటు వారసత్వ సంపద సృష్టికి ఐసీఐసీఐ లైఫ్ సిగ్నేచర్ పెన్షన్ ఉద్యోగుల సమస్యల పరిష్కారమే ఏపీ ఎన్జీవో సంఘం లక్ష్యం 12వ పీఆర్సీ నివేదికను త్వరితగతిన సమగ్రంగా రూపొందించాలి 12వ పీఆర్సీ నివేదికను త్వరితగతిన సమగ్రంగా రూపొందించాలి ఆసియా క్రీడల్లో రజత పతక విజేత విజయ్ గోగులమూడికి ఘన సన్మానం 23న జిల్లా స్థాయి పారా క్రీడల ఎంపికలు నామినేషన్ కేంద్రం ఏర్పాట్లపై జనరల్ అబ్జర్వర్ పరిశీలన అక్వాన్ తుఫాన్ నేపథ్యంలో విద్యుత్ కంట్రోల్ రూమ్‌లు ఏర్పాటు గ్రామ పంచాయతీ ఎన్నికల విధుల్లో ఉద్యోగులకు పోస్టల్ బ్యాలెట్ సౌకర్యం నవంబర్ 22న పోస్టల్ బ్యాలెట్ కేంద్రాల ఏర్పాటు గుడివాడలో ఈ నెల 20న భారీ జాబ్‌మేళా

నవజాత శిశు సంరక్షణ వారోత్సవాలకు శ్రీకారం

Select Suryaa Now
నవజాత శిశు సంరక్షణ వారోత్సవాలకు శ్రీకారం

 

తొలి 28 రోజుల సంరక్షణ ఎంతో కీలకం

డీఎంహెచ్‌వో డాక్టర్ ఇ.ఎన్.వి. నరేష్ కుమార్
శ్రీకాకుళం, నవంబర్ 16 మేజర్ న్యూస్: జిల్లా వ్యాప్తంగా ఈ నెల 15 నుంచి 21వ తేదీ వరకు నవజాత శిశు ఆరోగ్య పరిరక్షణ వారోత్సవాలను నిర్వహిస్తున్నట్లు జిల్లా వైద్య ఆరోగ్యశాఖాధికారి (డీఎంహెచ్‌వో) డాక్టర్ ఇ.ఎన్.వి. నరేష్ కుమార్ తెలిపారు. సోమవారం స్థానిక జిల్లా వైద్య ఆరోగ్యశాఖ కార్యాలయంలో ఈ వారోత్సవాలను ఆయన లాంఛనంగా ప్రారంభించారు. ఈ సందర్భంగా ఆయన మాట్లాడుతూ.. జిల్లాలోని అన్ని ప్రాథమిక ఆరోగ్య కేంద్రాల వైద్యాధికారులు, సిబ్బంది ఈ వారం రోజుల పాటు ప్రత్యేక శ్రద్ధ వహించాలని ఆదేశించారు. ఏఎన్ఎంలు, ఆశా, అంగన్వాడీ కార్యకర్తల సమన్వయంతో క్షేత్రస్థాయిలో తల్లులకు అవగాహన కల్పించాలన్నారు.
నవజాత శిశువు సంపూర్ణ ఆరోగ్యానికి పుట్టిన తొలి 28 రోజుల సంరక్షణ అత్యంత కీలకమని డీఎంహెచ్‌వో పేర్కొన్నారు. ముఖ్యంగా తక్కువ బరువుతో, నెలలు నిండకుండా పుట్టిన శిశువులకు ప్రత్యేక వైద్య సేవలు అందించడంతో పాటు గృహ సందర్శనల ద్వారా వారి ఎదుగుదలను పర్యవేక్షించాలన్నారు. అప్పుడే పుట్టిన బిడ్డకు పూర్తి వెచ్చదనం కల్పించడం, ముర్రిపాలు తాగించడం, కంగారు మదర్ కేర్, నిర్ణీత సమయంలో వ్యాధి నిరోధక టీకాలు వేయించడంపై తల్లులకు అవగాహన కల్పించాలని సూచించారు. బొడ్డుతాడును ఎప్పుడూ శుభ్రంగా, పొడిగా ఉంచాలని, దానిపై ఎలాంటి పూతలు పూయకూడదని స్పష్టం చేశారు. శిశువు పాలు తాగకపోవడం, శ్వాస తీసుకోవడంలో ఇబ్బంది, శరీర ఉష్ణోగ్రతలో మార్పులు వంటి ప్రమాద సంకేతాలు కనిపిస్తే ఏమాత్రం ఆలస్యం చేయకుండా ఆసుపత్రికి తరలించాలని, శిశు సంరక్షణ కుటుంబ సభ్యులందరి సమిష్టి బాధ్యత అని ఆయన వివరించారు. కార్యక్రమంలో డీఐవో డాక్టర్ రామ్స్, డీఎస్‌వో డాక్టర్ పి. సుజాత, ఆర్‌బీఎస్‌కే వైద్యులు డాక్టర్ శివరంజిని, డాక్టర్ వెంకటరావు, హెచ్‌ఈఈవో ముఖలింగం, డిప్యూటీ హెచ్‌ఈవో పి. మోహిని రత్నకుమారి, కార్యాలయ సిబ్బంది పాల్గొన్నారు.