రిటైర్మెంట్తో పాటు వారసత్వ సంపద సృష్టికి ఐసీఐసీఐ లైఫ్ సిగ్నేచర్ పెన్షన్
విజయవాడ మేజర్ న్యూస్ : పదవీ విరమణ అనంతరం ఆర్థిక భద్రత కల్పించడంతో పాటు తదుపరి తరానికి సంపదను వారసత్వంగా అందించేందుకు ఐసీఐసీఐ ప్రుడెన్షియల్ లైఫ్ ఇన్సూరెన్స్ ‘ఐసీఐసీఐ లైఫ్ సిగ్నేచర్ పెన్షన్’ పథకాన్ని అందుబాటులోకి తెచ్చింది. మార్కెట్ ఆధారిత రాబడులతో రిటైర్మెంట్ నిధిని సమకూర్చుకునేలా రూపొందించిన ఈ పథకంలో 90 ఏళ్ల వరకు వెస్టింగ్ వయస్సు అవకాశం ఉంది. 40 ఏళ్ల వయస్సు నుంచే రిటైర్మెంట్ ప్రణాళిక ప్రారంభించవచ్చు. పాలసీ మెచ్యూరిటీ సమయంలో పోగైన నిధిలో 60 శాతం వరకు పన్ను నిబంధనలకు లోబడి ఏకమొత్తంగా పొందవచ్చు. మిగిలిన మొత్తంతో యాన్యుటీ కొనుగోలు చేసి పదవీ విరమణ అనంతరం ఆదాయం పొందవచ్చు. ఈ పథకంలో వివిధ ఫండ్ ఎంపికలు, 100 శాతం వరకు ఈక్విటీ మార్కెట్లలో పెట్టుబడి పెట్టే అవకాశం, ప్రీమియం చెల్లింపులో వెసులుబాటు ఉన్నాయి. ఐదేళ్ల లాక్ఇన్ పూర్తయిన తర్వాత నిబంధనలకు లోబడి ఫండ్ విలువలో 25 శాతం వరకు పాక్షికంగా ఉపసంహరించుకోవచ్చు. చెల్లించిన ప్రీమియంలు లేదా ఫండ్ విలువలో అధికమైన మొత్తానికి 105 శాతం డెత్ బెనిఫిట్ కూడా అందిస్తుంది. ఫ్యామిలీ సెక్యూర్ ఆప్షన్ ద్వారా జాయింట్ లైఫ్ కవరేజీ సదుపాయం కల్పించారు..
స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.