మున్సిపల్ ఎన్నికలు పారదర్శకంగా, శాంతియుతంగా జరగాలి... సబ్ కలెక్టర్ సచిన్ అర్చిత్ రహార్

పార్వతీపురం, సూర్య : మున్సిపల్ ఎన్నికల నామినేషన్ల స్వీకరణ ప్రక్రియను సజావుగా, ప్రశాంతంగా, క్రమబద్ధంగా నిర్వహించేందుకు అధికారులు అన్ని ఏర్పాట్లు పూర్తి చేయాలని పార్వతీపురం సబ్ కలెక్టర్ సచిన్ అర్చిత్ రహార్ స్పష్టం చేశారు. అక్టోబర్ 16వ తేదీ శుక్రవారం పార్వతీపురంలో ఏర్పాటు చేసిన నామినేషన్ కేంద్రాలను, అక్కడ చేసిన ఏర్పాట్లను క్షేత్రస్థాయిలో పరిశీలించారు. ఈ సందర్భంగా ఆయన మాట్లాడూతూ నామినేషన్ల స్వీకరణ సమయంలో ఎలాంటి అవాంఛనీయ సంఘటనలు జరగకుండా పటిష్ట భద్రతా చర్యలు చేపట్టాలని పోలీసు శాఖను ఆదేశించారు. అభ్యర్థులు నామినేషన్లు దాఖలు చేసే సమయంలో ఎన్నికల నియమావళిని కచ్చితంగా పాటించేలా చర్యలు తీసుకోవాలని, కేంద్రాల వద్ద ఎలాంటి గందరగోళం తలెత్తకుండా మున్సిపల్ సిబ్బంది సమర్థవంతంగా విధులు నిర్వహించాలని సూచించారు. ఎన్నికల ప్రక్రియ అంతా పారదర్శకంగా, శాంతియుత వాతావరణంలో ముగిసేందుకు అన్ని శాఖల అధికారులు సమన్వయంతో పనిచేయాలని ఆయన పిలుపునిచ్చారు.

రిపోర్టర్ : ఎస్ఎస్ నాయుడు, పార్వతిపురం మన్యం.