లాటరీ పద్ధతిన బార్ కేటాయింపు

సూర్య ఆసిఫాబాద్ జిల్లా ప్రతినిధి ఆసిఫాబాద్ జిల్లా కేంద్రంలోని సమీకృత జిల్లా కలెక్టరేట్ భవన సమావేశ మందిరంలో ఆదిలాబాద్ ఆబ్కారీ శాఖ డిప్యూటీ కమిషనర్ జనార్దన్ రెడ్డి తో కలిసి ఆసిఫాబాద్ మున్సిపాలిటీకి మంజూరైన నూతన బార్ ను లక్కీ లాటరీ పద్ధతిలో కేటాయింపు కార్యక్రమానికి జిల్లా కలెక్టర్ హాజరయ్యారు.ఈ సందర్భంగా జిల్లా కలెక్టర్ మాట్లాడుతూ ఆసిఫాబాద్ మున్సిపాలిటీకి నూతన బార్ అండ్ రెస్టారెంట్ మంజూరు కాగా, ఈనెల 12వ తేదీ వరకు దరఖాస్తులను స్వీకరించడం జరిగిందని, మొత్తం 207 దరఖాస్తులు వచ్చాయని తెలిపారు. దరఖాస్తులు చేసుకున్న వారి సమక్షంలో లక్కీ లాటరీ పద్ధతిన 102 నెంబరు గల మల్లు గారి రమేష్ గౌడ్ ను లాటరీ ద్వారా ఎంపిక చేయడం జరిగిందని తెలిపారు. బార్ నిర్వహణలో ప్రభుత్వ నియమ, నిబంధనలను పాటిస్తూ, శాంతి భద్రతలకు ఎలాంటి విఘాతం కలగకుండా జాగ్రత్తలు వహించాలని తెలిపారు.ఈ కార్యక్రమంలో జిల్లా ఆబ్కారీ మధ్య నిషేధశాఖ అధికారి లక్ష్మీ నాయక్, సంబంధిత అధికారులు, దరఖాస్తుదారులు పాల్గొన్నారు.