బసవేశ్వర లిఫ్ట్ ఇరిగేషన్ ప్రాజెక్టు ఎందుకు ఆగింది* *ఇది కాలం తెచ్చిన కరువు కాదు కాంగ్రెస్ ప్రభుత్వం తెచ్చిన కరువు మాజీ ఎమ్మెల్యే భూపాల్ రెడ్డి*

నారాయణఖేడ్;నారాయణఖేడ్ రైతుల సమస్యలు, సాగునీటి కొరత, విద్యుత్ సరఫరా, బసవేశ్వర లిఫ్ట్ ఇరిగేషన్ ప్రాజెక్టు అంశాలపై కాంగ్రెస్ ప్రభుత్వాన్ని, స్థానిక ఎమ్మెల్యే పనితీరును ప్రశ్నిస్తూ నారాయణఖేడ్ మాజీ శాసనసభ్యులు మహారెడ్డి భూపాల్ రెడ్డి తీవ్ర విమర్శలు చేశారు. శుక్రవారం నారాయణఖేడ్ నియోజకవర్గ భారత రాష్ట్ర సమితి కార్యాలయంలో నిర్వహించిన మీడియా సమావేశంలో ఆయన మాట్లాడుతూ.. ఇది కాలం తెచ్చిన కరువు కాదు.. కాంగ్రెస్ ప్రభుత్వం తెచ్చిన కరువు” అంటూ రైతులు ఎదుర్కొంటున్న సమస్యలపై ప్రభుత్వాన్ని నిలదీశారు. బసవేశ్వర ప్రాజెక్టు ఆగిపోవడానికి బాధ్యత ఎవరిది బసవేశ్వర లిఫ్ట్ ఇరిగేషన్ ప్రాజెక్టు విషయంలో ప్రభుత్వం, స్థానిక ప్రజాప్రతినిధులు తమ వైఖరిని స్పష్టం చేయాలని భూపాల్ రెడ్డి డిమాండ్ చేశారు. ఈ ప్రాజెక్టు ముందుకు సాగకపోవడంతో సాగునీటి కోసం ఎదురుచూస్తున్న రైతులకు తీవ్ర నష్టం జరుగుతోందని ఆవేదన వ్యక్తం చేశారు. ప్రాజెక్టు పనులు ఎందుకు ముందుకు సాగడం లేదు రైతులకు సాగునీరు అందించడానికి తీసుకున్న చర్యలేంటి ఈ ప్రశ్నలకు ప్రభుత్వం, స్థానిక ఎమ్మెల్యే సమాధానం చెప్పాలని ఆయన కోరారు. రైతుల భవిష్యత్తుతో ముడిపడిన సాగునీటి ప్రాజెక్టుల విషయంలో మాటలు కాకుండా పనులు చేసి చూపించాలని స్పష్టం చేశారు. సంగారెడ్డికి సీఎం రెండుసార్లు వచ్చినా ప్రయోజనం ఏమిటి ముఖ్యమంత్రి సంగారెడ్డి జిల్లాకు రెండుసార్లు వచ్చినప్పటికీ జిల్లాకు, నారాయణఖేడ్ నియోజకవర్గానికి ఏమి ప్రయోజనం చేకూరిందని భూపాల్ రెడ్డి ప్రశ్నించారు. పర్యటనలు, ప్రసంగాలు, హామీలతో ప్రజల సమస్యలు పరిష్కారం కావని, క్షేత్రస్థాయిలో అభివృద్ధి పనులు కనిపించాలని అన్నారు. ప్రజలకు ఇచ్చిన హామీల అమలు, సాగునీటి ప్రాజెక్టుల పురోగతి, రైతులకు నాణ్యమైన విద్యుత్ సరఫరాపై ప్రభుత్వం స్పష్టమైన లెక్కలు చెప్పాలని డిమాండ్ చేశారు. ప్రజల సమస్యలను పరిష్కరించకుండా ప్రకటనలతో కాలం గడపడం వల్ల రైతులకు ఎలాంటి ప్రయోజనం ఉండదని విమర్శించారు.ఎమ్మెల్యే అమీల కమిటీ చైర్మన్ కాదు.. అబద్ధాల కమిటీ చైర్మన్ స్థానిక ఎమ్మెల్యే అమీల కమిటీ చైర్మన్‌గా వ్యవహరిస్తున్నారంటూ భూపాల్ రెడ్డి వ్యంగ్యంగా విమర్శించారు. ప్రజలకు ఇచ్చిన హామీల అమలు, నియోజకవర్గ అభివృద్ధి, రైతుల సమస్యల పరిష్కారం విషయంలో ఎమ్మెల్యే తన పనితీరుపై ప్రజలకు సమాధానం చెప్పాలని అన్నారు. నియోజకవర్గంలో సాగునీటి సమస్యలు, విద్యుత్ ఇబ్బందులు కొనసాగుతున్నప్పుడు వాటిని పరిష్కరించాల్సిన బాధ్యత ప్రజాప్రతినిధులదే. హామీలకు, క్షేత్రస్థాయి పరిస్థితులకు మధ్య ఉన్న వ్యత్యాసాన్ని ప్రజలు గమనిస్తున్నారని భూపాల్ రెడ్డి పేర్కొన్నారు. కేసీఆర్ హయాంలో 24 గంటల విద్యుత్.. ఇప్పుడు రైతులకు ఇబ్బందులా మాజీ ముఖ్యమంత్రి కేసీఆర్ నాయకత్వంలో తెలంగాణలో విద్యుత్ ఉత్పత్తి సామర్థ్యాన్ని పెంచి రైతులకు 24 గంటల విద్యుత్ సరఫరా అందించేందుకు చర్యలు తీసుకున్నామని భూపాల్ రెడ్డి గుర్తుచేశారు. సుమారు 6,000 మెగావాట్ల నుంచి 20,000 మెగావాట్ల స్థాయికి విద్యుత్ సామర్థ్యం పెరిగిందని ఆయన పేర్కొన్నారు. కాంగ్రెస్ ప్రభుత్వం అధికారంలోకి వచ్చిన తర్వాత రైతులు విద్యుత్ సరఫరా విషయంలో ఇబ్బందులు ఎదుర్కొంటున్నారని ఆయన ఆరోపించారు. పంటలకు కీలకమైన సమయంలో నాణ్యమైన విద్యుత్ అందకపోతే రైతులు తీవ్రంగా నష్టపోతారని, ప్రభుత్వం ఈ సమస్యను తక్షణమే పరిష్కరించాలని డిమాండ్ చేశారు. రైతులకు నిరంతర విద్యుత్ సరఫరా, సాగునీటి సదుపాయాలు కల్పించడం ప్రభుత్వ బాధ్యత అని స్పష్టం చేశారు. విద్యుత్ సమస్యలతో రైతులు పొలాల వద్ద ఆందోళన చెందాల్సిన పరిస్థితి రాకుండా అధికారులు, ప్రభుత్వం తగిన చర్యలు తీసుకోవాలని కోరారు. కరోనా, కరువు సమయంలో రైతులను ఆదుకున్నామని కేసీఆర్ పాలనను గుర్తుచేసిన భూపాల్ రెడ్డి కరోనా సంక్షోభం, కరువు వంటి క్లిష్ట పరిస్థితుల్లో కేసీఆర్ ప్రభుత్వం రైతులు, ప్రజలను ఆదుకునేందుకు పలు చర్యలు తీసుకుందని భూపాల్ రెడ్డి పేర్కొన్నారు. ప్రస్తుత పరిస్థితుల్లో రైతులు ఎదుర్కొంటున్న ఇబ్బందులను ప్రభుత్వం గుర్తించి తక్షణ సహాయం అందించాలని అన్నారు. రైతులకు సాగునీరు, నాణ్యమైన విద్యుత్, పంటల రక్షణకు అవసరమైన సదుపాయాలు కల్పించడంలో నిర్లక్ష్యం ఉండకూడదని తెలిపారు. రైతుల సమస్యలను రాజకీయ ప్రకటనలకే పరిమితం చేయకుండా, వాటి పరిష్కారానికి కార్యాచరణ ప్రకటించాలని డిమాండ్ చేశారు. రైతుల సమస్యలకు పరిష్కారం చూపాలి.. హామీల అమలుపై సమాధానం చెప్పాలి నారాయణఖేడ్ నియోజకవర్గంలో సాగునీటి సమస్యలు, విద్యుత్ ఇబ్బందులు, అభివృద్ధి పనులపై ప్రజల్లో ఉన్న ప్రశ్నలకు ప్రభుత్వం సమాధానం చెప్పాల్సిన అవసరం ఉందని భూపాల్ రెడ్డి అన్నారు. బసవేశ్వర లిఫ్ట్ ఇరిగేషన్ ప్రాజెక్టు పురోగతి, రైతులకు విద్యుత్ సరఫరా, ముఖ్యమంత్రి పర్యటనల ద్వారా చేకూరిన ప్రయోజనాలపై స్పష్టత ఇవ్వాలని కోరారు. రైతులకు సాగునీరు అందాలి.. పంటలకు నాణ్యమైన విద్యుత్ అందాలి.. ఇచ్చిన హామీలు అమలు కావాలి. ఇదే ప్రజల ప్రధాన ఆకాంక్ష అని పేర్కొంటూ, రైతుల సమస్యల పరిష్కారం కోసం బీఆర్ఎస్ పార్టీ ప్రజల తరఫున ప్రశ్నిస్తూనే ఉంటుందని తెలిపారు. ఈ మీడియా సమావేశంలో మాజీ మున్సిపల్ చైర్మన్ నజీబ్, వైస్ చైర్మన్ పరశురాం, మున్సిపల్ కౌన్సిలర్ అభిషేక్ షెత్కార్, పట్టణ పార్టీ అధ్యక్షులు నగేష్ సెట్, మాజీ ఎంపీటీసీ ముజామిల్, సర్పంచ్ వెంకటేశం, మాజీ సర్పంచులు జగదీశ్వర్ చారి, సంగప్ప బీఆర్ఎస్ పార్టీ నాయకులు,  ప్రజాప్రతినిధులు తదితరులు పాల్గొన్నారు.