*ఘనంగా బతుకమ్మ సంబరాలు పాల్గొన్న ఎమ్మెల్యే సంజీవరెడ్డి*
నారాయణఖేడ్;నారాయణఖేడ్ నియోజకవర్గం మున్సిపల్ పట్టణంలోని మున్సిపల్ కార్యాలయంలో పట్టణ పేదరిక నిర్మూలన సంస్థ (మెప్మ), నారాయణఖేడ్ పురపాలక సంఘం ఆధ్వర్యంలో నిర్వహించిన బతుకమ్మ సంబరాల్లో నారాయణఖేడ్ శాసనసభ్యులు డాక్టర్ పట్లోళ్ల సంజీవరెడ్డి పాల్గొన్నారు. ఈ సందర్భంగా మహిళలతో కలిసి బతుకమ్మ వేడుకల్లో పాల్గొని, తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ విశిష్టతను కొనియాడారు. ప్రకృతిని ఆరాధిస్తూ, పూలను పూజిస్తూ మహిళలు ఎంతో భక్తిశ్రద్ధలతో జరుపుకునే బతుకమ్మ పండుగ తెలంగాణ ఆడపడుచుల ఆత్మగౌరవానికి, ఐక్యతకు ప్రతీకగా నిలుస్తుందని పేర్కొన్నారు. అనంతరం ఎమ్మెల్యే డాక్టర్ పట్లోళ్ల సంజీవరెడ్డి తెలంగాణ ఆడపడుచులందరికీ బతుకమ్మ పండుగ శుభాకాంక్షలు తెలియజేశారు. ప్రతి ఇంటా సంతోషాలు వెల్లివిరియాలని, మహిళలందరూ ఆయురారోగ్యాలతో, సుఖసంతోషాలతో ఉండాలని, తెలంగాణ సంస్కృతి సంప్రదాయాలు తరతరాలకు కొనసాగాలని ఆకాంక్షించారు. ఈ కార్యక్రమంలో: మున్సిపల్ కమిషనర్ వాస్పరి ప్రశాంతి మున్సిపల్ వైస్ చైర్మన్ దారం శంకర్ సెట్, కౌన్సిలర్ లు బి.రాజు, షారుఖాన్, సుబుర్, మహేష్ చౌహన్ వివేకానంద, లక్ష్మణ్ , ముంతాజ్ సెట్, మొహీద్ మున్సిపల్ కో ఆప్షన్ సభ్యులు, పండరి రెడ్డి నారాయణఖేడ్ మున్సిపల్ పట్టణ కాంగ్రెస్ పార్టీ అధ్యక్షుడు, తాహెర్ అలీ సీనియర్ కాంగ్రెస్ నాయకులు,మెప్మ సిబ్బంది, మున్సిపల్ అధికారులు, మహిళా సంఘాల సభ్యులు, పట్టణ మహిళలు తదితరులు పాల్గొన్నారు.
