సుంకరి నరసయ్య మృతి బాధాకరం

మునగాల, మేజర్ న్యూస్: మునగాల మండల పరిధిలోని విజయరామాపురం గ్రామానికి చెందిన రిటైర్డ్ ఎగ్జిక్యూటివ్ ఇంజనీర్ సుంకరి నరసయ్య శుక్రవారం అనారోగ్యంతో మృతి చెందారు.
ఈ విషయం తెలుసుకున్న విజయరామాపురం గ్రామ సర్పంచ్ సుంకరి పిచ్చయ్య కోదాడలోని ఆయన నివాసానికి వెళ్లి పార్థివ దేహానికి పూలమాల వేసి నివాళులర్పించారు. అనంతరం వారి కుటుంబ సభ్యులను పరామర్శించి ఓదార్చారు.ప్రభుత్వ ఉద్యోగిగా నిజాయితీగా పని చేస్తూ గ్రామ అభివృద్ధికి ఎంతో కృషి చేశారని, ఆయన మృతి గ్రామానికి తీరని లోటు అని సర్పంచ్ అన్నారు. ఆయన ఆత్మకు శాంతి చేకూరాలని కోరారు.