పోలీసులకు నర్సరీ అసోసియేషన్ వినతి

నేటి దినపత్రిక సూర్య బ్యూరో రాజమహేంద్రవరంకడియం మండల పరిసర ప్రాంతాల్లో నర్సరీ రైతుల మోటార్ వైర్ల దొంగతనాలను అరికట్టాలని కోరుతూ సర్ ఆర్థర్ కాటన్ నర్సరీ ఫార్మర్స్ అసోసియేషన్ అధ్యక్షుడు బొర్సు సుబ్బారాయుడు ఆధ్వర్యంలో అసోసియేషన్ పాలకవర్గ సభ్యులు కడియం పోలీస్ స్టేషన్ సీఐ అల్లు వెంకటేశ్వరరావుకు వినతిపత్రం అందజేశారు. ఈ సందర్భంగా సుబ్బారాయుడు మాట్లాడుతూ

మోటార్ వైర్ల చోరీలతో రైతులు ఆర్థికంగా నష్టపోవడమే కాకుండా, నర్సరీలకు నీటి సరఫరాలో అంతరాయం ఏర్పడి తీవ్ర ఇబ్బందులు ఎదుర్కొంటున్నారని పోలీసుల దృష్టికి తీసుకెళ్లామన్నారు . దొంగతనాలకు పాల్పడుతున్న వారిని గుర్తించి కఠిన చర్యలు తీసుకోవాలని, రాత్రి వేళల్లో పోలీసు నిఘా పెంచి ఇలాంటి ఘటనలు పునరావృతం కాకుండా చూడాలని పోలీసు వారిని కోరినట్లు ఆయన తెలిపారు .

నర్సరీ రైతుల సమస్యల పరిష్కారానికి, వారి రక్షణకు అసోసియేషన్ నిరంతరం కృషి చేస్తుందని ప్రతినిధులు తెలిపారు. ఈ కార్యక్రమంలో అసోసియేషన్ సహాయ కార్యదర్శి ఉండమట్ల అర్జున్, కన్వీనర్ సానా రాజు, పీఆర్వో కామిశెట్టి వెంకటేష్ తదితరులు పాల్గొన్నారు.