telanagana
మీనంపల్లి కలాన్‌లో గ్రామపంచాయతీ సామగ్రి చోరీ
నవాబుపేట, మేజర్ న్యూస్: నవాబుపేట మండల పరిధిలోని మీనంపల్లి కలాన్ గ్రామంలో గ్రామపంచాయతీకి సంబంధించిన బోరు నల్లాల స్టార్టర్ ఫ్యూజులను గుర్తుతెలియని దుండగులు చోరీ చేశారు. గ్రామపంచాయతీ బోర్లకు సంబంధించిన సామగ్రి అపహరణకు గురికావడంతో ఈ ఘటన గ్రామంలో చర్చనీయాంశంగా మారింది.గ్రామ ప్రజలకు తాగునీరు అందించేందుకు ఉపయోగించే బోరు సామగ్రిని చోరీ చేయడంపై గ్రామస్తులు ఆందోళన వ్యక్తం చేస్తున్నారు. ఇలాంటి ఘటనల వల్ల తాగునీటి సరఫరాకు ఇబ్బందులు తలెత్తే అవకాశం ఉందని పేర్కొంటున్నారు.గ్రామపంచాయతీకి సంబంధించిన ప్రజా అవసరాల సామగ్రికి రక్షణ కల్పించాలని, చోరీకి పాల్పడిన గుర్తుతెలియని వ్యక్తులను గుర్తించి బాధ్యులపై కఠిన చర్యలు తీసుకోవాలని గ్రామస్తులు సంబంధిత అధికారులను కోరుతున్నారు. భవిష్యత్తులో ఇలాంటి ఘటనలు పునరావృతం కాకుండా తగిన చర్యలు చేపట్టాలని విజ్ఞప్తి చేస్తున్నారు.
