ఉండి టిడిపి ఎంపీపీ అభ్యర్థిగా ఇర్రింకి లావణ్య

ఉండి, మేజర్ న్యూస్:ఉండి ఎంపీపీ పదవి బీసీ మహిళకు కేటాయించడంతో టీడీపీలో పలువురు ఆశావహులు పోటీపడ్డారు. చివరకు టీడీపీ సీనియర్ నాయకులు, క్లస్టర్ ఇన్‌ఛార్జి ఇర్రింకి సత్యనారాయణ (బుజ్జి) భార్య ఇర్రింకి లావణ్య వైపు పార్టీ అధిష్ఠానం మొగ్గు చూపినట్లు తెలిసింది. ఆమె అభ్యర్థిత్వంపై పలువురు నాయకులు హర్షం వ్యక్తం చేస్తూ శుభాకాంక్షలు తెలిపారు. టిడిపి సీనియర్ నాయకుడిగా పార్టీ పట్ల విధేయతకు గుర్తింపు లభించిందని నాయకులు అభిప్రాయపడ్డారు. దీంతో ఎంపీపీ అభ్యర్థిత్వంపై నెలకొన్న ఉత్కంఠకు తెరపడినట్లయింది. మండలంలోని సమస్యల పట్ల సీనియర్ నాయకుడు క్రస్టర్ ఇన్చార్జి బుజ్జి కి మంచి పట్టు ఉండటంతో మండల అభివృద్ధికి అది చాలా ఉపయోగపడుతుందని పలువురు ఆశిస్తున్నారు .