వైయస్సార్ కాంగ్రెస్ పార్టీలో చేరిన నల్లమిల్లి

నేటి దినపత్రిక సూర్య బ్యూరో రాజమహేంద్రవరం మండపేట మున్సిపాలిటీ ఎన్నికల నేపథ్యంలో రాజకీయ పరిణామాలు ఊపందుకుంటున్నాయి. ఈ క్రమంలో 24వ వార్డుకు చెందిన టిడిపి నాయకుడు నల్లమిల్లి శ్రీనాథ్ రెడ్డి మండపేట వైసిపి ఇన్ ఛార్జ్ ఎమ్మెల్సీ తోట త్రిమూర్తులు సమక్షంలో వైఎస్సార్ కాంగ్రెస్ పార్టీలో చేరినట్లు పార్టీ వర్గాలు తెలిపాయి. మండపేట విజయ లక్ష్మీ నగర్ లోని వైసిపి కార్యాలయంలో ఆయనకు వైసిపి పార్టీ కండువా కప్పి తోట త్రిమూర్తులు సాదరంగా స్వాగతం పలికారు.ఈ సందర్భంగా నల్లమిల్లి శ్రీనాథ్ రెడ్డి సతీమణి నల్లమిల్లి రామలక్ష్మిని 24వ వార్డు(టిడ్కో ఏరియా) కౌన్సిలర్ అభ్యర్థిగా ప్రకటించారు.

రానున్న మున్సిపల్ ఎన్నికల్లో పార్టీ అభ్యర్థి విజయమే లక్ష్యంగా వార్డులోని నాయకులందరూ విభేదాలకు తావులేకుండా కలిసికట్టుగా పనిచేస్తామని స్పష్టం చేశారు. వార్డు ప్రజల సహకారంతో రామలక్ష్మి విజయానికి సమష్టిగా కృషి చేస్తామని నాయకులు తెలిపారు.ఈ కార్యక్రమంలో మేక శ్రీను, యాదగని చంటి, గునిపే భూషణం, కోణాల బోస్, బత్తిన దొరబాబు, సింగర్ రాజు, పెనుబోతుల సత్తిబాబు తదితర నాయకులు పాల్గొన్నారు