ఆర్థిక అక్షరాస్యతపై అవగాహన కల్పించాలి

సూర్య రాజన్న సిరిసిల్ల,భారత ప్రభుత్వం, ఆర్థిక సేవల విభాగం (DFS) ఆదేశాల మేరకు 21.10.2026 నుంచి  31.12.2026 వరకు జిల్లాలోని గ్రామపంచాయతీలు, అన్ని మున్సిపాల్టీల పరిధిలో ఆర్థిక అక్షరాస్యత, డిజిటల్ మోసాల నుంచి రక్షణపై అవగాహన కల్పించాలని జిల్లా కలెక్టర్ గరిమ అగ్రవాల్ ఆదేశించారు.భారత ప్రభుత్వం, ఆర్థిక సేవల విభాగం (DFS) ఆదేశాల మేరకు లీడ్ బ్యాంక్ ఆధ్వర్యంలో జిల్లాలో నిర్వహించనున్న అవగాహన కార్యక్రమాల పోస్టర్లను జిల్లా సమీకృత కార్యాలయాల సముదాయంలో జిల్లా కలెక్టర్ గరిమ అగ్రవాల్, లీడ్ బ్యాంకు మేనేజర్ రాజీవ్ కుమార్ తో కలిసి శుక్రవారం ఆవిష్కరించారు.జిల్లా కలెక్టర్ గరిమ అగ్రవాల్ మాట్లాడుతూ.. ప్రధాన మంత్రి జీవన్ జ్యోతి బీమా యోజన (PMJJBY), ప్రధాన మంత్రి సురక్ష బీమా యోజన (PMSBY), అటల్ పెన్షన్ యోజన (APY),అత్యంత వెనుకబడిన గిరిజన కుటుంబాల (PVTG) ల పై జిల్లాలోని అన్ని గ్రామ పంచాయతీలు అలాగే మున్సిపాలిటీలో అవగాహన కార్యక్రమాలు నిర్వహించాలని, నూతన బ్యాంక్ ఖాతాలు తెరవడంపై షెడ్యూల్ ప్రకారం కార్యక్రమాలు నిర్వహించాలని జిల్లా కలెక్టర్ సూచించారు.పీ ఎం జే డీ వై,  ఇతర సేవింగ్ ఖాతాలకు రీ కే వై సీ చేయించడం, పెండింగ్ లో ఉన్న చోట సీ కే వై సీ చేయించడం, సేవింగ్ ఖాతాలు, లాకర్ల వంటి వాటిలో నామిని తప్పనిసరిగా ఉండేలా చూడాలని ఆదేశించారు. ఆర్థిక పథకాలు, డిజిటల్ మోసాల  నుంచి ప్రజలు అవగాహన కల్పించాలని సూచించారు.