నేరాలకు పాల్పడితే చట్ట ప్రకారం శిక్ష తప్పదు.... కేశంపేట సీఐ శ్రీనివాస్ హెచ్చరిక

మేజర్ న్యూస్ షాద్ నగర్;;ఎక్కడైనా నేరాలకు పాల్పడితే కఠిన చర్యలు ఉంటాయని కేశంపేట్ మండల సర్కిల్ ఇన్స్పెక్టర్ శ్రీనివాస్ హెచ్చరించారు. శుక్రవారం కేశంపేట పోలీస్ స్టేషన్ పరిధిలో గల సస్పెక్ట్ షీట్లు, రౌడీ షీటర్లను పిలిచి ప్రస్తుత వారి చర్యలను సమీక్షించారు. ఈ సందర్భంగా కేశంపేట సిఐ శ్రీనివాస్ మాట్లాడుతూ.. ప్రజలకు ఎలాంటి ఇబ్బందులు కలిగించకుండా, చట్టాన్ని గౌరవిస్తూ సాధారణ పౌరులుగా జీవించాలని  సూచించారు. శాంతిభద్రతలకు విఘాతం కలిగించేలా ప్రవర్తిస్తే ఉపేక్షించేది లేదని కఠినంగా మందలించారు. ప్రజల భద్రతే ధ్యేయంగా అనుమానిత వ్యక్తుల కదలికలపై పోలీసుల నిఘా నిరంతరం కొనసాగుతుందని, తప్పు చేస్తే ఎవరు తప్పించుకోలేరని హెచ్చరించారు. ఈ సందర్భంగా నేర  చరిత్ర ఉన్న వాళ్లకు ఎస్సై పరమేష్ పలు సూచనలు చేశారు.

జవాజి రాఘవేంధర్ గౌడ్: మేజర్ న్యూస్ షాద్ నగర్