విద్యాలక్ష్మిగా శ్రీ కనకమహాలక్ష్మి అమ్మవారు...!

విశాఖపట్నం, సూర్య : శరన్నవరాత్రి మహోత్సవాల్లో భాగంగా ఆరవ రోజు శుక్రవారం శ్రీ కనకమహాలక్ష్మి అమ్మవారు విద్యాలక్ష్మిగా అలంకరించుకుంది. విద్యాలక్ష్మి గా కొలువుతీరిన కనకమహాలక్ష్మికి ఐదు రకాల  పూలతో ప్రత్యేక పూజలు ఆలయ అర్చకులు వేద పండితులు జరిపారు విద్యాలక్ష్మి అలంకరణ దాతగా కేవీ సుబ్రమణ్యం మాధవి దంపతులు వ్యవహరించారు. ఉభయ దాతలుగా  వీరి చేత వేద పండితులు, అర్చకులు పూజలు చేయించారు. అమ్మవారి అలంకరణ కోసం సౌత్ ఇండియా షాపింగ్ మాల్ లక్కీ షో రూమ్ ల యజమానులు చీరలను అందజేశారు. సరస్వతి దేవి అలంకరణలో అమ్మవారిని దర్శించుకునేందుకు అధిక సంఖ్యలో భక్తులు అమ్మవారి గుడికి తరలివచ్చారు. సరస్వతీ రూపములో  అమ్మవారికి విద్యాబుద్ధులు వసగమని పిల్లలను తీసుకువచ్చి తల్లిదండ్రులు మొక్కులు మొక్కుకున్నారు. శనివారం అమ్మవారు విజయలక్ష్మి గా దర్శనం. సాయంత్రం అమ్మవారి స్వయం దర్శనాలు, పూజలకు అధిక సంఖ్యలో భక్తులు వచ్చి మొక్కులు చెల్లించుకున్నారు పూజలు జరిపారు. భక్తులకు ఇబ్బందులు లేకుండా ఆలయ అధికారులు ఏర్పాట్లు చేశారు.

రిపోర్టర్ : సత్యనారాయణ, ఒన్‌టౌన్, విశాఖపట్నం.