ముగిసిన శిక్షణ తరగతులు
నెల్లూరు, కార్పొరేషన్, మేజర్ న్యూస్ : ఆంధ్రప్రదేశ్ రాష్ట్ర ప్రభుత్వం జనగణన డైరెక్టర్ ఆదేశాల మేరకు ప్రిన్సిపల్ సెన్సస్ అధికారి, కమిషనర్ వై.ఓ. నందన్ ఆదేశముల మేరకు నెల్లూరు నగరపాలక సంస్థ కార్యాలయం కమాండ్ కంట్రోల్ సెంటర్ విభాగంలో మూడు రోజులపాటు 26 మందికి ఫీల్డ్ ట్రైనర్లకు జనగణన - 2027 శిక్షణా తరగతులను నిర్వహించారు. శిక్షణ చివరిరోజైన బుధవారం కమిషనర్ హాజరై తరగతుల నిర్వహణను పర్యవేక్షించారు. సెన్సస్ చార్జ్ అధికారి రాజేంద్రప్రసాద్ నేతృత్వంలో జరిగిన ఈ శిక్షణలో మాస్టర్ ట్రైనర్స్ డాక్టర్ మాల్యాద్రి , కోటేశ్వరరావు శిక్షణ అందించారు. ఈ సందర్భంగా కమిషనర్ మాట్లాడుతూ కేంద్ర ప్రభుత్వం సెన్సస్ 2027 కు సంబంధించి విడుదల చేసిన కీలక తేదీల్లో సెల్ఫ్ ఎన్యూమరేషన్ 2027 జనవరి 10 నుంచి 24 వరకు, ఇంటింటి జనాభా గణన జనవరి 25 నుంచి ఫిబ్రవరి 28 వరకు, సవరణాత్మక దశ మార్చి 1 నుంచి 5 వ తేదీ వరకు నిర్దేశించారని తెలిపారు. పవర్ పాయింట్ ప్రజెంటేషన్ ద్వారా అందించిన శిక్షణ పొందిన ఫీల్డ్ ట్రైనర్లు తమ పరిధిలోని ఎన్యుమరేటర్లు, సూపర్వైజర్లకు పూర్తి అవగాహన కల్పించాలని సూచించారు. స్వీయ నమోదుకు సంబంధించి ప్రజలంతా అవగాహన పొంది స్వయంగా జనగణనలో భాగస్వాములు కావాలని, జనగణన కార్యక్రమాన్ని విజయవంతం చేయాలని కమిషనర్ ఆకాంక్షించారు. ఈ కార్యక్రమంలో జిల్లా జనగణన ఇంచార్జి యం. రాజమోహన్ రెడ్డి, అదనపు జిల్లా ఇంచార్జి ఆధ్విక పాల్గొన్నారు.