మొదటి విడత గ్రామపంచాయతీ ఎన్నికలకు సంబంధించి మొదటి విడత రాండమైజేషన్ ను పారదర్శకంగా నిర్వహించినట్లు జిల్లా కలెక్టర్ డాక్టర్ వినోద్ కుమార్ వి
బానట్ల, మేజర్న్యూస్ :
జిల్లాలో మొదటి విడత గ్రామపంచాయతీ ఎన్నికలకు సంబంధించి మొదటి విడత రాండమైజేషన్ ను పారదర్శకంగా నిర్వహించినట్లు జిల్లా కలెక్టర్ డాక్టర్ వినోద్ కుమార్ వి తెలిపారు.
ఈ నెల 26 న జిల్లాలో మొదటి విడత గ్రామపంచాయతీ ఎన్నికలు నిర్వహించే మండలాలకు పోలింగ్ విధులు నిర్వర్తించేందుకు సిబ్బంది కేటాయింపునకు సంబంధించి బుధవారం జిల్లా కలెక్టరేట్లోని బోర్డు రూమ్ నందు జిల్లా సాధారణ ఎన్నికల పరిశీలకులు ఏ ఏ యల్.పద్మావతి, జిల్లా కలెక్టర్ మరియు జిల్లా ఎన్నికల అధికారి డాక్టర్ వినోద్ కుమార్, వి., ఆధ్వర్యంలో ర్యాండమైజేషన్ ప్రక్రియను నిర్వహించారు.ఎన్నికల విధుల నిర్వహణలో పారదర్శకత, నిష్పాక్షికతకు ప్రాధాన్యతనిస్తూ ఎన్నికల కమిషన్ నిబంధనలకు అనుగుణంగా సిబ్బంది కేటాయింపు ప్రక్రియ చేపట్టాలని జిల్లా కలెక్టర్ సూచించారు. ఎన్నికల నిర్వహణకు అవసరమైన సిబ్బంది సమన్వయంతో పనిచేస్తూ, అప్పగించిన బాధ్యతలను సమర్థవంతంగా నిర్వర్తించాలని తెలిపారు. గడిచిన స్థానిక సంస్థల ఎన్నికల్లో కేటాయించిన ఎన్నికల విధులకు గైర్హాజరైన సిబ్బందిపై తగు చర్యలు తీసుకోవాలని, వాటికి సంబంధించి ఎక్సెల్ షీట్ లో నిర్దేశిత నమూనా ప్రకారం వివరాలను పొందుపరిచి అందచేయాలని జిల్లా కలెక్టర్ డాక్టర్ వినోద్ కుమార్ వి జిల్లా విద్యాశాఖ అధికారిని ఆదేశించారు. ఈ కార్యక్రమంలో డి ఈ ఓ.శ్రీనివాస్ సింగ్,జిల్లా కలెక్టరేట్ ఏ ఓ. మల్లికార్జున్ రావు,జిల్లా కలెక్టరేట్ సిబ్బంది మరియు వీక్షణ సమావేశం ద్వారా జిల్లా సాధారణ ఎన్నికల పరిశీలకులు ఏ ఏ యల్.పద్మావతి పాల్గొన్నారు.