మంత్రి అచ్చెన్నాయుడుతో ఎంపీటీసీల భేటీ
సారవకోట నవంబర్ 16 మేజర్ న్యూస్ : సారవకోట మండల అభివృద్ధి, ప్రజా సమస్యల పరిష్కారమే లక్ష్యంగా మండలానికి చెందిన ఎంపీటీసీలు, ప్రజాప్రతినిధులు సోమవారం రాష్ట్ర మంత్రి కింజరాపు అచ్చెన్నాయుడును నిమ్మాడలోని ఆయన క్యాంపు కార్యాలయంలో మర్యాదపూర్వకంగా కలిశారు.
ఈ సందర్భంగా మండలంలో చేపట్టాల్సిన అభివృద్ధి పనులు, ప్రజలు ఎదుర్కొంటున్న సమస్యలు, వివిధ శాఖలకు సంబంధించి పెండింగ్లో ఉన్న పనులను మంత్రి దృష్టికి తీసుకెళ్లారు. ఆయా సమస్యలను పరిశీలించి, మండల అభివృద్ధికి అవసరమైన చర్యలు చేపడతామని మంత్రి అచ్చెన్నాయుడు సానుకూలంగా స్పందించినట్లు ప్రతినిధులు వెల్లడించారు.
మండలంలోని గ్రామాల అభివృద్ధితో పాటు ప్రజలకు మెరుగైన మౌలిక సదుపాయాలు కల్పించడం, స్థానిక సమస్యల పరిష్కారానికి సమన్వయంతో కృషి చేస్తామని ఈ సందర్భంగా ఎంపీటీసీలు పేర్కొన్నారు.