ఎల్.కోటలో జోరుగా నామినేషన్లు.. మేజర్ పంచాయతీలో నువ్వా నేనా!
లక్క వరపు కోట సూర్య: లక్కవరపుకోట మండలంలో గ్రామ పంచాయతీ ఎన్నికల నామినేషన్ల పర్వం జోరుగా సాగుతోంది. ముఖ్యంగా మేజర్ పంచాయతీలో సర్పంచ్ పదవి కోసం అభ్యర్థులు నువ్వా నేనా అన్నట్లు పోటీ పడుతున్నారు. రెండు రోజుల పాటు కలిపి మండలంలోని అన్ని పంచాయతీల పరిధిలో 125 సర్పంచ్ అభ్యర్థులు, 502 వార్డు మెంబర్ అభ్యర్థులు నామినేషన్లు దాఖలు చేసినట్లు ఎంపీడీవో అల్లు భాస్కరరావు తెలిపారు. మంగళవారం సాయంత్రం 5 గంటలకు నామినేషన్ల స్వీకరణ ప్రక్రియ ముగియనుందని ఆయన వెల్లడించారు. నామినేషన్ల ఉపసంహరణ అనంతరం మండలంలోని అధిక శాతం పంచాయతీలు ఏకగ్రీవమయ్యే అవకాశం ఉందని రాజకీయ వర్గాల్లో చర్చ జరుగుతోంది. మరోవైపు ప్రధాన పార్టీల నాయకులు తమ అభ్యర్థుల గెలుపు కోసం వ్యూహాలకు పదును పెడుతున్నారు.