ఆయుర్వేద వైద్యంతో నిండైన ఆరోగ్యం
నెల్లిమర్ల, సూర్య: నెల్లిమర్ల నగరపంచాయతీ పరిధి జరజాపుపేట సత్యాజ్ఞానంద ఆశ్రమంలో సాధన యువజన సంఘం, ఇండియన్ రెడ్ క్రాస్ సొసైటీ, ఆయుష్ శాఖ ఆధ్వర్యంలో ఉచిత ఆయుర్వేద వైద్య శిబిరం నిర్వహించారు. ప్రభుత్వ ఆయుర్వేద వైద్యులు ఎం. ఆనందరావు ఈ శిబిరంలో 82 మంది రోగులకు పరీక్షలు నిర్వహించి ఉచితంగా మందులు పంపిణీ చేశారు. దీర్ఘకాలిక కీళ్ల నొప్పులు, మూలవ్యాధి వంటి సమస్యలకు ఆయుర్వేద వైద్యం ద్వారా మెరుగైన నయం పొందవచ్చని, క్రమం తప్పకుండా వాడితే ఎటువంటి రుగ్మతలు రావని వక్తలు పేర్కొన్నారు. కార్యక్రమంలో రెడ్ క్రాస్ సొసైటీ చైర్మన్ కంది వెంకటరమణ, సెక్రటరీ సత్యం, సాధన యువజన సంఘం అధ్యక్షుడు పోలుబోతు దుర్గాప్రసాద్, డి.ఎఫ్.ఓ. షేక్ సమీ తదితర కమిటీ సభ్యులు, గ్రామ పెద్దలు పాల్గొన్నారు.