మైనారిటీలకు కూటమి ప్రాధాన్యం
కంకిపాడు, మేజర్ న్యూస్: మైనారిటీలకు ప్రాధాన్యమిచ్చిన కూటమి పార్టీలకు ఆంధ్రప్రదేశ్ నూర్ భాషా ముస్లిం సంక్షేమ సంఘం రాష్ట్ర అధ్యక్షులు, బీజేపీ మైనారిటీ మోర్చా కృష్ణా జిల్లా అధ్యక్షులు షేక్ చిన్నా కృతజ్ఞతలు తెలిపారు. కృష్ణా జిల్లాలో అతిపెద్ద మున్సిపల్ కార్పొరేషన్ అయిన మచిలీపట్నం మేయర్ అభ్యర్థిగా అబ్దుల్ అబీదాతో పాటు రాష్ట్రవ్యాప్తంగా మరో ఎనిమిది మున్సిపాలిటీల్లో చైర్మన్ అభ్యర్థులుగా మైనారిటీలకు అవకాశం కల్పించడం అభినందనీయమన్నారు. ఈ నేపథ్యంలో రాష్ట్రవ్యాప్తంగా ఉన్న మైనారిటీ సోదర, సోదరీమణులు ఎన్నికల్లో కూటమి అభ్యర్థులకు మద్దతు తెలిపి తమ ఓటు హక్కును వినియోగించుకోవాలని విజ్ఞప్తి చేశారు. కూటమి ప్రభుత్వం ద్వారా మైనారిటీల సంక్షేమం, అభివృద్ధికి మరిన్ని అవకాశాలు లభిస్తాయని ఆయన పేర్కొన్నారు.
స్టాఫ్ రిపోర్టర్: ✍️ ప్రేమ్ రాజ్, పెనమలూరు నియోజకవర్గం, కృష్ణాజిల్లా.
