లయన్స్ క్లబ్ స్వాగత బోర్డులు ఏర్పాటు
ఉండి, మేజర్ న్యూస్: అంతర్జాతీయ స్వచ్ఛంద సేవా సంస్థ లయన్స్ క్లబ్ ఉండి ఆధ్వర్యంలో గ్రామ సరిహద్దుల్లో స్వాగత బోర్డులను ఏర్పాటు చేయడం జరిగిందని క్లబ్ అధ్యక్షుడు ద్వారంపూడి నారాయణరెడ్డి తెలిపారు. స్వాగత బోర్డులు ప్రారంభోత్సవానికి ఉండి ఎస్సై హనుమంత మల్లికార్జునరావు హాజరై వాటిని ప్రారంభించడం జరిగింది. ఈ సందర్భంగా ఎస్సై మల్లికార్జునరావు మాట్లాడుతూ ఉండి లయన్స్ క్లబ్ ఆధ్వర్యంలో చేస్తున్న సేవా కార్యక్రమాలు అభినందనీయమని సమాజంలో ఎవరికి ఏ అవసరం వచ్చినా లయన్స్ క్లబ్ ప్రతినిధులు స్పందిస్తున్న తీరు అమోఘం అన్నారు వారి సేవలు ఇలాగే కొనసాగించాలని ఆకాంక్షించారు చేస్తున్న సేవలకు క్లబ్ ప్రతినిధులకు అభినందనలు తెలిపారు. అనంతరం క్లబ్ అధ్యక్ష కార్యదర్శులు మాట్లాడుతూ గ్రామంలోనికి ప్రవేశించే ప్రయాణికులను ఆహ్వానించేలా గ్రామ సౌందర్యాన్ని ఇమిడింప చేసేలా లయన్స్ క్లబ్ తరఫున స్వాగత బోర్డులు ఏర్పాటు చేయడం జరిగిందని ఒక బోర్డును లయన్స్ జిల్లా గవర్నర్ దశిక సుబ్బారావు అందించగా మిగిలిన రెండు బోర్డులను క్లబ్ అధ్యక్షుడు ద్వారంపూడి నారాయణరెడ్డి ఆర్థిక సహాయంతో ఏర్పాటు చేయడం జరిగిందని క్లబ్ కార్యదర్శి రుద్రరాజు నరసరాజు తెలిపారు. జిల్లా ప్రధమ ఉప గవర్నర్ ఆర్ వి ఎస్ సూర్యనారాయణ రాజు చేతుల మీదుగా ఉండి ఎస్సై మల్లికార్జునరావుకు సాలువ కప్పి ఘనంగా సత్కరించారు. ఈ కార్యక్రమంలో క్లబ్ రీజియన్స్ సెక్రటరీ సత్తి బ్రహ్మ రెడ్డి, కోఆర్డినేటర్ గాదిరాజు రంగరాజు, కోశాధికారి కన్నెగంటి రూత్ కళ, భూపతి రాజు హరినాథ్ రాజు, కాగిత మహంకాళి, బుద్ధరాజు సుబ్బరాజు, బొండాడ కేశవరావు, తదితర క్లబ్ ప్రతినిధులు, గ్రామ పెద్దలు పాల్గొన్నారు.
రిపోర్టర్ రాజు ఉండి పశ్చిమగోదావరి జిల్లా
