పేద కుటుంబాల ఎంపికపై మండల స్థాయి అవగాహన కార్యక్రమం

రాష్ట్ర ప్రభుత్వం ప్రతిష్టాత్మకంగా చేపట్టిన అత్యంత పేద కుటుంబాల ఎంపికపై మండల స్థాయి అవగాహన కార్యక్రమం పొన్నూరు మండల ప్రజా  పరిషత్ కార్యాలయం నందు మంగళవారం నిర్వహించారు.గ్రామీణ పేదరిక నిర్మూలన సంస్థ (SERF) ఆధ్వర్యంలో ఏపీఎం జోయిబాబు అధ్యక్షతన  జరిగింది ఈ కార్యక్రమం మండల సమైక్య ఆధ్వర్యంలో  అక్టోబర్ 7, 8 తేదీలలో రెండు రోజుల పాటు జరుగుతుందని ఎపియం  జోయి బాబు తెలిపారు ఈ సందర్భంగా ఎ పి యం జోయి బాబు     మాట్లాడుతూ  ప్లానింగ్ డిపార్ట్మెంట్ నుండి వచ్చిన జాబితాను గ్రామ సంఘం సమావేశంలో చర్చించి అందులోని అనర్హులను గుర్తించి తొలగించాలని తెలిపారు అర్హత కలిగిన నిరుపేదల పేర్లను కొత్తగా చేర్చాలని సూచించారు.  ఆ జాబితాకు గ్రామసభ ఆమోదం తీసుకుని ప్రభుత్వం ఇచ్చిన యాప్ లో ఎంట్రీ చేయాల్సి ఉంటుందన్నారు.ఈ గుర్తింపు ప్రక్రియలో ప్రభుత్వం నుండి ఎన్టీఆర్ భరోసా పెన్షన్ పొందుతున్న వారు అనర్హులుగా పరిగణించబడతారని తెలిపారు.ఎంపిక చేసిన జాబితాను గ్రామ పంచాయతీ కార్యదర్శి 10 రోజుల పాటు ప్రదర్శనలో ఉంచుతారనిదానిపై ప్రజల నుండి ఏవైనా అభ్యర్థనలు అభ్యంతరాలు వస్తే వాటిని జిల్లా అధికారులదృష్టికి తీసుకెళ్లడంజరుగుతుందన్నారు.నిరుపేద కుటుంబాల ఎంపిక నిష్పక్షపాతంగా పారదర్శకంగా జరిగేలా మండల స్థాయి సిబ్బంది జాగ్రత్తలు తీసుకోవాలని సూచించారు. ఇప్పటికే పైలట్ ప్రాజెక్టుగా కొల్లిపర మండలంలో ఈ ప్రక్రియను విజయవంతంగా పూర్తి చేసినట్లు తెలిపారు.మండల స్థాయి శిక్షణ అనంతరం రేపటి నుండి గ్రామాల్లో గ్రామ సంఘాలకు శిక్షణ ఇవ్వనున్నట్లు తెలిపారు.