andhrapradesh
క్యాంపస్‌ టు కెరీర్‌పై కార్యశిబిరం
జంగారెడ్డిగూడెం-మేజర్ న్యూస్జంగారెడ్డిగూడెం ఛత్రపతి శివాజీ త్రి శతజయంతి ప్రభుత్వ డిగ్రీ కళాశాలలో కంప్యూటర్‌ సైన్స్‌ విభాగం ఆధ్వర్యంలో ‘క్యాంపస్‌ టు కెరీర్‌–నైపుణ్యాలు, ఉద్యోగ అవకాశాలు’పై కార్యశిబిరం నిర్వహించారు. ప్రిన్సిపల్‌ డా. ఎన్‌. ప్రసాద్‌బాబు అధ్యక్షతన జరిగిన కార్యక్రమంలో వీఎక్స్‌ఎల్‌ ఐటీ సొల్యూషన్స్‌ విజయవాడ ఎండీ ఆర్‌. శివ విద్యార్థులకు కమ్యూనికేషన్‌, డిజిటల్‌, టీమ్‌వర్క్‌, ఇంటర్వ్యూ నైపుణ్యాలతో పాటు రెజ్యూమ్‌ తయారీ, గ్రూప్‌ డిస్కషన్‌పై అవగాహన కల్పించారు.ప్లేస్‌మెంట్‌ ఆఫీసర్‌ ఎస్‌. కిషోర్‌బాబు మాట్లాడుతూ విద్యార్థులు కళాశాల దశ నుంచే ఉద్యోగ నైపుణ్యాలను అభివృద్ధి చేసుకోవాలని సూచించారు. కార్యక్రమంలో అధ్యాపకులు కె. జయకృష్ణ, జె. రాజా శ్రీకాంత్‌, అధ్యాపక, అధ్యాపకేతర సిబ్బంది, విద్యార్థులు పాల్గొన్నారు.
కె.వి రమణారావు జంగారెడ్డిగూడెం
