కొత్తపేట నుంచి వైఎస్సార్‌సీపీలోకి చేరికలు
చిర్ల జగ్గిరెడ్డి సమక్షంలో పార్టీలో చేరిన చోడపనీడి సతీష్, ముద్రగడ సత్యనారాయణ
రావులపాలెం మేజర్ న్యూస్ : డాక్టర్ బి.ఆర్. అంబేద్కర్ కోనసీమ జిల్లా వైఎస్సార్ కాంగ్రెస్ పార్టీ అధ్యక్షులు, మాజీ ఎమ్మెల్యే చిర్ల జగ్గిరెడ్డి ఆధ్వర్యంలో కొత్తపేట గ్రామానికి చెందిన పలువురు నాయకులు వైఎస్సార్‌సీపీలో చేరారు.
కొత్తపేట సంతోష్ నగర్‌కు చెందిన చోడపనీడి సతీష్, ముద్రగడ సత్యనారాయణ (వెంకన్న) గోపాలపురంలో చిర్ల జగ్గిరెడ్డి సమక్షంలో పార్టీ కండువాలు కప్పుకుని వైఎస్సార్‌సీపీలో చేరారు. ఈ సందర్భంగా జగ్గిరెడ్డి వారికి పార్టీ కండువాలు కప్పి సాదరంగా ఆహ్వానించారు.
అనంతరం చిర్ల జగ్గిరెడ్డి మాట్లాడుతూ వైఎస్సార్ కాంగ్రెస్ పార్టీ ఎల్లప్పుడూ ప్రజల పక్షాన నిలబడి ప్రజా సమస్యల పరిష్కారం కోసం పోరాడుతుందని తెలిపారు. కూటమి ప్రభుత్వ పాలనను ప్రజలు నిశితంగా గమనిస్తున్నారని, ప్రజల ఆకాంక్షలకు అనుగుణంగా పార్టీ నిరంతరం పనిచేస్తుందని పేర్కొన్నారు.
పార్టీ నాయకులు, కార్యకర్తల సమన్వయంతో క్షేత్రస్థాయిలో వైఎస్సార్‌సీపీని మరింత బలోపేతం చేస్తామని అన్నారు. జగన్‌మోహన్ రెడ్డి నాయకత్వంపై నమ్మకంతో పార్టీలో చేరుతున్న ప్రతి ఒక్కరికీ సముచిత గౌరవం, గుర్తింపు ఉంటాయని తెలిపారు.
