కోటిపల్లిలో పర్యటించిన ఐజీ అశోక్

నేటి దినపత్రిక సూర్య బ్యూరో రాజమహేంద్రవరం

కోటిపల్లి గ్రామంలో ఐజీ జి.వి.జి. అశోక్ కుమార్ శనివారం పర్యటించారు.ఈ సందర్భంగా స్థానిక పుష్కరాల బస్టాండ్‌తో పాటు పోలీస్ ఔట్‌పోస్టులను పరిశీలించారు.2027లో జరగనున్న గోదావరి పుష్కరాలను దృష్టిలో ఉంచుకుని, భక్తులకు అవసరమైన మౌలిక సదుపాయాల కల్పనపై క్షేత్రస్థాయిలో సమీక్షించినట్లు తెలిపారు. పుష్కరాల సమయంలో భక్తులకు ఎలాంటి ఇబ్బందులు తలెత్తకుండా ఘాట్ల అభివృద్ధి, ట్రాఫిక్ నియంత్రణ, రహదారుల సౌకర్యం, వాహనాల పార్కింగ్, సీసీ కెమెరాల ఏర్పాటు తదితర అంశాలపై పరిశీలన చేసినట్లు పేర్కొన్నారు.పుష్కరాలకు వచ్చే భక్తుల భద్రత, రాకపోకల నిర్వహణకు అవసరమైన ముందస్తు చర్యలపై ఈ పర్యటనలో దృష్టి సారించారు. ఈ కార్యక్రమంలో జిల్లా ఎస్పీ రాహుల్ మీనా,డీఎస్పీ శేషు,సీఐ ఎం.వెంకటనారాయణ,ఎస్ఐలు జి.సోమేంద్ర,ఎం.లక్ష్మణ్,నాగేశ్వరరావు పోలీసు సిబ్బంది పాల్గొన్నారు.