కోటపాటి వైపు టీడీపీ అధిష్ఠానం చూపు
- సీఎస్‌పురం జడ్పీటీసీ అభ్యర్థిగా కోటపాటి జనార్దన్‌రావు
- జేఆర్‌కే ఫౌండేషన్ తో సేవా కార్యక్రమాలతో ప్రజల్లో ప్రత్యేక గుర్తింపు
- బొట్లగూడూరు నుంచి టీడీపీ రాష్ట్ర నాయకుడిగా ఎదిగిన కోటపాటి
- చంద్రబాబు, లోకేష్ నిర్ణయంతో పార్టీలో మరింత పెరిగిన ప్రాధాన్యం
- జిల్లా పరిషత్ చైర్మన్‌గా కోటపాటికే అధిష్ఠానం ప్రకటన
పామూరు, మేజర్ న్యూస్ :
ప్రజా సేవనే ప్రస్థానంగా చేసుకుని అవసరమైన ప్రతి సందర్భంలో ప్రజలకు అండగా నిలుస్తూ పలు సేవా కార్యక్రమాలతో ప్రత్యేక గుర్తింపు తెచ్చుకున్న పామూరు మండలంలోని బొట్లగూడూరు గ్రామానికి చెందిన జేఆర్‌కే ఫౌండేషన్ అధినేత, టీడీపీ రాష్ట్ర నాయకుడు కోటపాటి జనార్దన్‌రావు రాజకీయ ప్రస్థానంలో కీలక ఘట్టానికి చేరుకున్నారు. ప్రజా సేవ పట్ల ఆయనకున్న నిబద్ధత, పార్టీ పట్ల చూపుతున్న విశ్వాసం, ప్రజలతో ఉన్న సాన్నిహిత్యాన్ని పరిగణనలోకి తీసుకున్న టీడీపీ జాతీయ అధ్యక్షుడు, ముఖ్యమంత్రి నారా చంద్రబాబునాయుడు, టిడిపి జాతీయ ప్రధాన కార్యదర్శి, రాష్ట్ర ఐటీ, విద్యాశాఖ మంత్రి నారా లోకేష్ సీఎస్‌పురం జడ్పీటీసీ అభ్యర్థిగా కోటపాటి జనార్దన్‌రావు పేరును ఖరారు చేశారు. బొట్లగూడూరు గ్రామం నుంచి తన ప్రస్థానాన్ని ప్రారంభించిన కోటపాటి జనార్దన్‌రావు జేఆర్‌కే ఫౌండేషన్ ద్వారా పలు సేవా కార్యక్రమాలు నిర్వహిస్తూ ప్రజలకు చేరువయ్యారు. సామాజిక సేవకు ప్రాధాన్యమిస్తూ అవసరమైన వారికి తనవంతు సహకారం అందించడం ద్వారా ప్రజల్లో ప్రత్యేక గుర్తింపు సంపాదించారు. సేవా కార్యక్రమాలతో పాటు తెలుగుదేశం పార్టీ కార్యక్రమాల్లోనూ చురుకుగా పాల్గొంటూ పార్టీ నాయకత్వం కార్యకర్తలకు చేరువగా ఉంటూ వచ్చారు. కనిగిరి ఎమ్మెల్యే డాక్టర్ ముక్కు ఉగ్ర నరసింహారెడ్డి నేతృత్వంలో నియోజకవర్గంలో పార్టీ కార్యక్రమాలను మరింత బలోపేతం చేస్తూ నాయకులు, కార్యకర్తలతో సమన్వయంతో ముందుకు సాగుతున్న కోటపాటి జనార్దన్‌రావుకు సీఎస్‌పురం జడ్పీటీసీ అభ్యర్థిత్వం దక్కడం రాజకీయంగా ప్రాధాన్యం సంతరించుకుంది. ప్రజల సమస్యల పట్ల స్పందించే తత్వం, పార్టీ పట్ల అంకితభావం, అందరినీ కలుపుకుని ముందుకు సాగే స్వభావం కోటపాటి జనార్దన్‌రావుకు ప్రత్యేక గుర్తింపును తీసుకొచ్చాయి. ఈ నేపథ్యంలోనే సీఎస్‌పురం జడ్పీటీసీ అభ్యర్థిత్వాన్ని ఆయనకు అప్పగిస్తూ పార్టీ అధిష్ఠానం నిర్ణయం తీసుకుంది. ముఖ్యమంత్రి నారా చంద్రబాబునాయుడు, మంత్రి నారా లోకేష్ నిర్ణయంతో కోటపాటి జనార్దన్‌రావు రాజకీయ ప్రాధాన్యం మరింత పెరిగింది. పార్టీ అధిష్ఠానం తనపై ఉంచిన నమ్మకాన్ని నిలబెట్టుకుంటూ సీఎస్‌పురం జడ్పీటీసీగా విజయం సాధించే దిశగా ఆయన ముందుకు సాగుతున్నారు. జడ్పీటీసీగా విజయం సాధించిన అనంతరం మార్కాపురం జిల్లా పరిషత్ చైర్మన్‌గా కోటపాటి జనార్దన్‌రావుకే బాధ్యతలు అప్పగించేలా పార్టీ అధిష్ఠానం నిర్ణయం తీసుకున్నట్లు రాజకీయ వర్గాల్లో బలమైన చర్చ సాగుతుంది. జడ్పీటీసీ ఎన్నికలో విజయంతో పాటు జిల్లా పరిషత్ చైర్మన్ బాధ్యతలను కోటపాటి జనార్దన్‌రావుకు అప్పగించేందుకు అధిష్ఠానం నిర్ణయించడంతో ఆయన రాజకీయ ప్రస్థానంలో ఇది మరింత కీలకమైన మలుపుగా నిలిచింది. సేవా కార్యక్రమాల ద్వారా ప్రజల్లో ఏర్పడిన అనుబంధం, పార్టీ కార్యక్రమాల్లో చురుకైన పాత్ర, నాయకత్వంతో ఉన్న సాన్నిహిత్యం నేపథ్యంలో కోటపాటి జనార్దన్‌రావుకు అధిష్ఠానం అత్యంత ప్రాధాన్యం కల్పించినట్లు స్పష్టమవుతోంది. బొట్లగూడూరు నుంచి ప్రారంభమైన ఆయన ప్రస్థానం సీఎస్‌పురం జడ్పీటీసీ అభ్యర్థిత్వానికి చేరి అక్కడి నుంచి మార్కాపురం జిల్లా పరిషత్ చైర్మన్ బాధ్యతల వరకు సాగుతున్న తీరు టీడీపీలో కోటపాటి జనార్దన్‌రావుకు పెరుగుతున్న ప్రాధాన్యాన్ని ప్రతిబింబిస్తుంది.
