బోరబండలో జోరుగా పట్టభద్రుల ఓటు నమోదు: బీఆర్ఎస్ నేత పావనం శివశంకర్ ఆధ్వర్యంలో పత్రాల పంపిణీ.. ప్రతి గ్రాడ్యుయేట్ ఓటు నమోదు చేసుకోవాలని పిలుపు!

మేజర్ న్యూస్, అల్లాపూర్: మహబూబ్‌నగర్-రంగారెడ్డి-హైదరాబాద్ పట్టభద్రుల నియోజకవర్గ ఎమ్మెల్సీ ఎన్నికలను పురస్కరించుకుని పట్టభద్రుల ఓటు నమోదు కార్యక్రమం ముమ్మరంగా సాగుతోంది. బీఆర్ఎస్ పార్టీ జూబ్లీహిల్స్ నియోజకవర్గ ఇన్‌చార్జ్ మాగంటి సునీత గోపీనాథ్ ఆదేశాల మేరకు బోరబండ డివిజన్ పరిధిలోని ఎస్ఆర్‌టి నగర్‌లో ఓటు నమోదు ప్రక్రియను చేపట్టారు.

ఈ కార్యక్రమంలో బీఆర్ఎస్ పార్టీ బోరబండ డివిజన్ సీనియర్ నాయకుడు పావనం శివశంకర్ మాల (మీ బొట్టు శివ) స్థానిక పట్టభద్రులకు ఓటు నమోదు దరఖాస్తు పత్రాలను అందజేశారు. అర్హులైన ప్రతి పట్టభద్రుడు తమ ఓటు హక్కును తప్పనిసరిగా నమోదు చేసుకోవాలని, రాబోయే ఎమ్మెల్సీ ఎన్నికల్లో చైతన్యవంతంగా భాగస్వామ్యం కావాలని ఈ సందర్భంగా ఆయన కోరారు.