ఆర్టీసీ ఎండి ని కలిసిన టీఎంయూ కరీంనగర్ రీజియన్ నేతలు

సూర్య కరీంనగర్ఆర్టీసీ మేనేజింగ్ డైరెక్టర్ నాగిరెడ్డిని శుక్రవారం తెలంగాణ మజ్దూర్ యూనియన్ కరీంనగర్ రీజియన్ నాయకులు బస్ భవన్ లో మర్యాదపూర్వకంగా కలిశారు. టీఎంయూ రాష్ట్ర ప్రధాన కార్యదర్శి మారంరెడ్డి థామస్ రెడ్డి ఆధ్వర్యంలో ఎండీని కలిసి శాలువా, పుష్పగుచ్ఛంతో సత్కరించారు.రాష్ట్ర కమిటీ సమావేశానికి హాజరైన టీఎంయూ నాయకులు ఈ సందర్భంగా ఆర్టీసీ ఉద్యోగులు ఎదుర్కొంటున్న పలు సమస్యలను ఎండీ నాగిరెడ్డి దృష్టికి తీసుకెళ్లారు. ఉద్యోగుల సమస్యల పరిష్కారానికి తగిన చర్యలు తీసుకోవాలని కోరినట్లు తెలిపారు.ఈ కార్యక్రమంలో టీఎంయూ కరీంనగర్ రీజియన్ అధ్యక్షుడు జి.పి.సింగ్, రీజియన్ కార్యదర్శి ఏవీఆర్ రెడ్డి, రాష్ట్ర కమిటీ సభ్యురాలు జిల్లెళ్ల సుచరిత, రాష్ట్ర కార్యదర్శి సుజాత, కరీంనగర్-1 డిపో కార్యదర్శి జిల్లెళ్ల మనోహర్ తదితరులు పాల్గొన్నారు.