జిల్లాస్థాయి అథ్లెటిక్ ఎంపిక పోటీలు

ఎడ్యుకేషన్ స్టాఫ్ రిపోర్టర్ : ఉమ్మడి చిత్తూరు జిల్లాస్థాయి ఎస్ జి ఎఫ్ అథ్లెటిక్స్ ఎంపిక పోటీలు చేపట్టారు. ఎస్వీ యూనివర్సిటీ వేదికగా జిల్లా డీఈఓ కెవిఎన్. కుమార్ ఆధ్వర్యంలో బి.వి.పురం పాఠశాల ప్రధానోపాధ్యాయురాలు సునీత అధ్యక్షతన, పాఠశాల పీడీ వెంకటేష్ ఆధ్వర్యంలో శుక్రవారం అండర్-14, 17, 19 బాలబాలికల విభాగాల్లో ఈ పోటీలు ప్రారంభించారు. ఎంపిక పోటీలకు చిత్తూరు జిల్లా నలుమూలల నుండి 1200 మంది క్రీడాకారులు మూడు విభాగాల్లో పాల్గొన్నారు. ఉమ్మడి చిత్తూరు జిల్లా కార్యదర్శులు రమేష్, సాంబశివరావు, లోకనాథం, త్రిలోక సుందరి, అమ్ములు, జయక్రిష్టి పర్యవేక్షణలో ఎంపిక పోటీలు నిర్వహించారు. ఇందులో ప్రథమ, ద్వితీయ స్థానాలు సాధించిన అండర్-17 క్రీడాకారులు ఈనెల 28 నుండి 30 వరకు కర్నూలు జిల్లాలో జరిగే రాష్ట్రస్థాయి పోటీలకు, అండర్-19 క్రీడాకారులు 30 నుండి నవంబర్ 1 వరకు తూర్పు గోదావరి జిల్లాలో జరిగే రాష్ట్రస్థాయి ఎస్ జి ఎఫ్ అథ్లెటిక్స్ పోటీలలో పాల్గొంటారని నిర్వాహకులు తెలిపారు. ఈ కార్యక్రమంలో కార్యనిర్వాహక కమిటీ ప్రభాకర్, సుబ్రహ్మణ్యం రెడ్డి, మహేష్, మదన్మోహన్, సురేష్, శివ, శివకుమార్, మోహన్, నవీన్, మాజీ స్కూల్ గేమ్స్ సెక్రటరీస్ బాబు, కిషోర్, భార్గవి ముఖ్య అతిథులుగా పాల్గొన్నారు.

సీఎం గౌడ్ తిరుపతి స్టాప్ రిపోర్టర్