కూటమి విజయానికి సాయిబాబా సన్నిధిలో హోమం
ఎమ్మెల్యే దామచర్ల జనార్దన్‌రావు దంపతుల ప్రత్యేక పూజలు
కూటమి మేయర్‌ అభ్యర్థి శ్రీశిల్పతోపాటు కార్పొరేటర్ల విజయాన్ని కాంక్షిస్తూ ప్రార్థనలు
నగర ప్రజలకు సుఖసంతోషాలు, నగరాభివృద్ధి కోసం స్వామివారికి మొక్కులు
సూర్య ప్రతినిధి, ఒంగోలు :
ఒంగోలు మున్సిపల్ కార్పొరేషన్‌ ఎన్నికల్లో ఎన్డీఏ కూటమి అభ్యర్థుల ఘన విజయాన్ని కాంక్షిస్తూ ఒంగోలు ఎమ్మెల్యే దామచర్ల జనార్దన్‌రావు దంపతులు శనివారం సంతపేట సాయిబాబా దేవస్థానంలో ప్రత్యేక పూజలు, హోమ కార్యక్రమాన్ని నిర్వహించారు. ఎన్డీఏ కూటమి మేయర్‌ అభ్యర్థి నల్లమల్లి శ్రీశిల్పతోపాటు టీడీపీ, జనసేన, బీజేపీ తరఫున పోటీ చేస్తున్న కార్పొరేటర్‌ అభ్యర్థులందరూ అత్యధిక మెజారిటీతో విజయం సాధించాలని ఆకాంక్షిస్తూ వేద పండితుల ఆధ్వర్యంలో హోమాన్ని భక్తిశ్రద్ధలతో నిర్వహించారు. ఎమ్మెల్యే దామచర్ల జనార్దన్‌రావు, ఆయన సతీమణి నాగ సత్యలత దంపతులుగా పాల్గొని స్వామివారిని దర్శించుకుని ప్రత్యేక పూజలు చేశారు. ఒంగోలు నగర ప్రజలందరికీ సుఖసంతోషాలు, ఆయురారోగ్యాలు కలగాలని, నగరం మరింత అభివృద్ధి పథంలో ముందుకు సాగాలని స్వామివారిని ప్రార్థించారు. రేపు జరగనున్న కార్పొరేషన్‌ ఎన్నికల్లో కూటమి మేయర్‌ అభ్యర్థి నల్లమల్లి శ్రీశిల్పతోపాటు టీడీపీ, జనసేన, బీజేపీ కార్పొరేటర్‌ అభ్యర్థులందరూ ప్రజల ఆశీస్సులతో ఘన విజయం సాధించాలని కోరుతూ హోమ కార్యక్రమం నిర్వహించారు. కార్యక్రమంలో ఎమ్మెల్యే దామచర్ల జనార్దన్‌రావు కుటుంబ సభ్యులు, జనసేన నాయకుడు రియాజ్‌, మేయర్‌ అభ్యర్థి నల్లమల్లి శ్రీశిల్ప కుటుంబ సభ్యులు, కూటమి పార్టీల కార్పొరేటర్‌ అభ్యర్థులు, పార్టీ నాయకులు, కార్యకర్తలు, పలువురు ప్రముఖులు పాల్గొన్నారు.
