కూటమి పాలనతోనే అభివృద్ధి

కూటమి పాలన తోనే అభివృద్ధి.. ఎంపీ, ఎమ్మెల్యే

ఎమ్మిగనూరు, సూర్య ప్రతినిధి

కూటమి పాలన తోనే అభివృధి సాధ్యం అవుతుందని కర్నూలు ఎంపీ బస్తిపాటి నాగరాజు, ఎమ్మెల్యే బీవీ జయనాగేశ్వర రెడ్డి లు పేర్కొన్నారు. నందవరం మండలంలో టీ.సోమలగూడూరు, గోనెగండ్ల మండలంలో పుట్టపాశం  గ్రామంలో శుక్రవారం పలు అభివృధి పనులకు భూమి పూజ చేపట్టారు.
ముందుగా నూతన స్వర్ణ గ్రామ సచివాలయాన్ని, మిట్టసోమాపురం రోడ్డులో ఎంపీపీఎస్ పాఠశాల నూతన తరగతి గదులను ప్రారంభించారు. అనంతరం జుమ్మా మసీదు, శ్రీ బీరప్ప స్వామి ఆలయాలను సందర్శించి ప్రార్థనలు, పూజలు నిర్వహించారు.
పంచాయతీరాజ్ శాఖ ఆధ్వర్యంలో రూ.40 లక్షలతో చేపట్టనున్న సీసీ రోడ్లు, డ్రైనేజీ పనులకు ఎస్సీ కాలనీ రోడ్డు, , మఠం రోడ్డు ప్రాంతాల్లో భూమిపూజ చేశారు.
ఈ సందర్భంగా  వారు మాట్లాడుతూ గ్రామంలో తల్లికి వందనం, ఎన్టీఆర్ భరోసా పింఛన్లు, అన్నదాత సుఖీభవ, ముఖ్యమంత్రి సహాయనిధి తదితర సంక్షేమ పథకాలను అమలు చేస్తున్నామని తెలిపారు. అలాగే రూ.1.40 కోట్ల విలువైన సీసీ రోడ్లు, డ్రైనేజీ పనులు చేపట్టామని, గ్రామానికి సాగునీరు, తాగునీరు అందించేందుకు ప్రభుత్వం చర్యలు తీసుకుంటోందన్నారు.
ప్రతి గ్రామంలో మౌలిక వసతులను మెరుగుపరచడంతో పాటు అర్హులైన ప్రతి కుటుంబానికి సంక్షేమ పథకాలు అందేలా కృషి చేయడమే కూటమి ప్రభుత్వ లక్ష్యమని పేర్కొన్నారు. పుట్టపాశం గ్రామానికి 30 లక్షల రూపాయలు కేటాయించి నట్టు వెల్లడించారు.
కార్యకర్తలతో సమావేశమయ్యారు. కార్యక్రమంలో ప్రజాప్రతినిధులు, అధికారులు, టీడీపీ నాయకులు, గ్రామ కమిటీ సభ్యులు, కార్యకర్తలు తదితరులు పాల్గొన్నారు.