కూటమి అభ్యర్థికి మద్దతుగా ఇంటింటా ప్రచారం

కలిదిండి /కైకలూరు, మేజర్ న్యూస్, కలిదిండి మండలం మట్టగుంట గ్రామంలో జనసేన, బీజేపీ పార్టీల మద్దతుతో తెలుగుదేశం పార్టీ తరఫున ఎంపీటీసీ అభ్యర్థిగా పోటీ చేస్తున్న తిరుమలశెట్టి ఈశ్వర పరశురాముడి అభ్యర్థిత్వాన్ని బలపరుస్తూ కూటమి నాయకులు ఇంటింటా ప్రచారం నిర్వహించారు. ఈ సందర్భంగా రాష్ట్ర అగ్నికుల క్షత్రియ వెల్ఫేర్ అండ్ డెవలప్మెంట్ కార్పొరేషన్ డైరెక్టర్ అండ్రాజు శ్రీనివాసరావు మాట్లాడుతూ.. ముఖ్యమంత్రి నారా చంద్రబాబు నాయుడు నాయకత్వంలోని కూటమి ప్రభుత్వం ప్రజా సంక్షేమానికి పెద్దపీట వేస్తోందని తెలిపారు. అర్హులైన పేద కుటుంబాలకు ఎన్టీఆర్ భరోసా పెన్షన్లు, తల్లికి వందనం, దీపం పథకం, అన్నదాత సుఖీభవ వంటి సంక్షేమ పథకాల ద్వారా ప్రజలకు అండగా నిలుస్తోందని పేర్కొన్నారు. గ్రామీణ ప్రాంతాల్లో మౌలిక సదుపాయాల కల్పన, రహదారుల అభివృద్ధి, ప్రజల సమస్యల పరిష్కారానికి ప్రభుత్వం కృషి చేస్తోందని అన్నారు. మట్టగుంట గ్రామ సమగ్ర అభివృద్ధికి, ప్రజలకు అందుబాటులో ఉంటూ వారి సమస్యలను పరిష్కరించేందుకు తిరుమలశెట్టి ఈశ్వర పరశురాముడు కృషి చేస్తారని విశ్వాసం వ్యక్తం చేశారు. గ్రామ అభివృద్ధి, సంక్షేమ కార్యక్రమాల అమలులో ప్రజల భాగస్వామ్యం ఎంతో ముఖ్యమని పేర్కొంటూ, కూటమి అభ్యర్థికి మద్దతుగా నిలవాలని కోరారు.

ఈ కార్యక్రమంలో డీసీ వైస్ చైర్మన్ నాగిడి వీరబ్రహ్మం, పీఏసీఎస్ అధ్యక్షులు బల్లా రాజు, కూటమి నాయకులు నల్లమోతు వెంకటేశ్వరరావు, కోపనాతి వెంకటేశ్వరరావు, కోకా తాతయ్య, దున్నా సత్యనారాయణ, గరికముక్కల అమ్మిరాజు, మందపాటి పెంటయ్య, తిరుమాని గోపాలకృష్ణ, కోపనాతి శంకర్ తదితరులు పాల్గొన్నారు.

 రిపోర్టర్ రమేష్ కైకలూరు ఏలూరు జిల్లా,