ప్రభుత్వాసుపత్రిలో వైద్య పరికరాలు ప్రారంభించిన కేటీఆర్

సూర్య రాజన్న సిరిసిల్ల జిల్లా ప్రతినిధి ;;సిరిసిల్ల జిల్లా కేంద్రంలోని ప్రభుత్వ ప్రధాన ఆసుపత్రిలో 30 లక్షల సీఎస్ఆర్ నిధులతో సమకూర్చిన అత్యాధునిక వైద్య పరికరాలను బీఆర్ఎస్ వర్కింగ్ ప్రెసిడెంట్ కేటీఆర్ ప్రారంభించి రోగులకు అందుబాటులోకి తీసుకొచ్చారు.​ప్రైవేటు ఆసుపత్రులకు వెళ్లి భారీగా ఖర్చు పెట్టుకోలేని పేద, మధ్యతరగతి రోగులకు ప్రభుత్వ ఆసుపత్రిలోనే మెరుగైన వైద్యం లభించాలనే ఉద్దేశంతో కేటీఆర్ ప్రత్యేక చొరవ తీసుకుని ఈ నిధులను సమకూర్చారు. ఈ పరికరాల రాకతో అత్యవసర చికిత్సలు, రోగ నిర్ధారణ సేవలు మరింత సులభతరం కానున్నాయి.

​- మౌలిక వసతుల పరిరక్షణే ముఖ్యం

గత బీఆర్ఎస్ ప్రభుత్వ హయాంలో సిరిసిల్ల ఆసుపత్రిలో మౌలిక వసతులు, ఆధునిక సదుపాయాల కల్పనకు అధిక ప్రాధాన్యత ఇచ్చామని, ప్రస్తుత కాంగ్రెస్ ప్రభుత్వం కూడా ఆసుపత్రుల నిర్వహణ, సదుపాయాల పరిరక్షణపై ప్రత్యేక దృష్టి సారించాలని ఈ సందర్భంగా కేటీఆర్ ప్రస్తావించారు.​స్థానిక ప్రజల ఆరోగ్యం, ఆసుపత్రి అవసరాలను గుర్తించి 30 లక్షల విలువైన పరికరాలను అందుబాటులోకి తేవడంపై రోగులు, స్థానికులు హర్షం వ్యక్తం చేస్తున్నారు. వైద్య సిబ్బంది వీటిని సద్వినియోగం చేసుకుంటూ రోగులకు మరింత నాణ్యమైన సేవలు అందించాలని కోరారు.