దోమడుగు శివారులో రోడ్డు ప్రమాదం

గుమ్మడిదల :గుమ్మడిదల మున్సిపాలిటీ పరిధిలోని దోమడుగు జాతీయ రహదారి 765పై  గ్రామ శివారులో సోమవారం రోడ్డు ప్రమాదం చోటుచేసుకుంది. మెదక్ రోడ్డు వైపు వాటర్ ట్యాంకర్, మహీంద్రా గూడ్స్ ఆటో (టీఎస్08యుఎం1558) మధ్య జరిగిన ప్రమాదంలో ట్రాక్టర్ డ్రైవర్‌ కమ్‌ యజమాని తక్కెడి జీతయ్య తీవ్రంగా గాయపడ్డారు. ఎస్ హెచ్ ఓ అరుణ్ కుమార్ గౌడ్ వివరాల ప్రకారం.. జీతయ్య(65) రహదారి మధ్యలోని డివైడర్‌లో ఉన్న మొక్కలకు వాటర్ ట్యాంకర్‌తో నీళ్లు పోస్తూ రోడ్డుపై ఉండగా, హైదరాబాద్ వైపు నుంచి వచ్చిన మహీంద్రా గూడ్స్ ఆటో ఆయనను ఢీకొట్టింది. ఈ ఘటనలో ఆయన తల, మెడ భాగాల్లో తీవ్ర గాయాలయ్యాయి. పరిస్థితి విషమంగా ఉండటంతో చికిత్స నిమిత్తం సూరారం లోని నారాయణ మల్లారెడ్డి ఆసుపత్రికి తరలించారు.