కావలి గ్రామీణ ప్రాంతం సర్వాయిపాలెంలో ముమ్మర ఎన్నికల ప్రచారం పాల్గొన్న ఎంపీ ఎమ్మెల్యే.
కావలి, మేజర్ న్యూస్ : స్థానిక సంస్థల ఎన్నికల ప్రచారంలో భాగంగా కావలి రూరల్ మండలం సర్వాయిపాలెంలో ఎన్డీయే కూటమి శంఖారావం పూరించింది. నెల్లూరు పార్లమెంట్ ఎంపీ వేమిరెడ్డి ప్రభాకర్ రెడ్డి, కావలి ఎమ్మెల్యే కావ్య కృష్ణారెడ్డిల నేతృత్వంలో నిర్వహించిన ఎన్నికల ప్రచార ర్యాలీకి ప్రజలు ఉప్పెనలా తరలిరావడంతో గ్రామం జనసంద్రంగా మారింది. ఈ సందర్భంగా ఏర్పాటు చేసిన బహిరంగ సభలో ఎంపీ వేమిరెడ్డి ప్రభాకర్ రెడ్డి మాట్లాడుతూ.. సర్వాయిపాలెంతో తనకున్న చిన్ననాటి అనుబంధాన్ని గుర్తుచేసుకున్నారు. ఏడేళ్ల వయస్సులో చూసిన గ్రామానికి, నేటి ప్రగతికి చాలా వ్యత్యాసం ఉందన్నారు. నిరంతరం ప్రజాక్షేమం కోసం పరితపించే ఎమ్మెల్యే కావ్య కృష్ణారెడ్డి లభించడం కావలి ప్రజల అదృష్టమని కొనియాడారు. కూటమి ప్రభుత్వం చేపడుతున్న అభివృద్ధి, సంక్షేమ కార్యక్రమాలను చూసి ప్రజలు ఓటేయాలని పిలుపునిచ్చారు. స్థానిక జెడ్పీటీసీ అభ్యర్థి ఉప్పాల సింధుజ, ఎంపీటీసీ అభ్యర్థి సందు మాధురిలను అత్యధిక మెజార్టీతో గెలిపించాలని నాయకులు విజ్ఞప్తి చేశారు. ఈ కార్యక్రమంలో జనసేన నియోజకవర్గ సమన్వయకర్తలు మన్నెమాల సుకుమార్ రెడ్డి, అలహరి సుధాకర్, కూటమి ముఖ్య నేతలు మరియు భారీ సంఖ్యలో కార్యకర్తలు పాల్గొన్నారు.
