జేగురుపాడులో టీడీపీకి షాక్‌.. వైసీపీలో చేరిన చికిలే కిషోర్ కుమార్!
మూడు దశాబ్దాలుగా టీడీపీ కోసం పనిచేసిన దళిత నాయకుడు.. అనుచరులతో వైసీపీ తీర్థం
కడియం, మేజర్ న్యూస్ ,కడియం మండలం జేగురుపాడు గ్రామ తెలుగుదేశం పార్టీలో మూడు దశాబ్దాలుగా క్రియాశీలకంగా పనిచేస్తూ, పార్టీ బలోపేతానికి కృషి చేసిన దళిత నాయకుడు చికిలే కిషోర్ కుమార్ వైఎస్సార్ కాంగ్రెస్ పార్టీలో చేరారు. స్థానిక టీడీపీ నాయకత్వం దళితుల పట్ల వ్యవహరిస్తున్న తీరుపై, వారి సంకుచిత అభిప్రాయాలపై విభేదించిన ఆయన.. సోమవారం మండల వైఎస్సార్ కాంగ్రెస్ పార్టీ అధ్యక్షుడు యాదల సతీష్ చంద్ర స్టాలిన్ ఆధ్వర్యంలో తన అనుచరులతో కలిసి వైసీపీ కండువా కప్పుకున్నారు.దశాబ్దాలుగా టీడీపీ కోసం పనిచేసిన కీలక నాయకుడు పార్టీని వీడి వైసీపీలో చేరడం స్థానిక రాజకీయాల్లో చర్చనీయాంశంగా మారింది. ఈ చేరికతో జేగురుపాడులో వైసీపీ శ్రేణులకు కొత్త ఉత్సాహం లభించింది.
ఈ కార్యక్రమంలో ఫిషర్‌మెన్ సొసైటీ అధ్యక్షుడు శాకా కిరణ్, మాజీ అధ్యక్షుడు బళ్ల అన్నవరం, అంబేద్కర్ యూత్ అధ్యక్షుడు మద్దుకూరి గోపి, మద్దుకూరి పుల్లయ్య, వరసాల నాని, మోటుక మునియ్య, రాయి మోహన్, మద్దుకూరి శ్రీను, వరసాల చంటి, బాణాల నాని, గుత్తాల వెంకట్రావుతో పాటు వైఎస్సార్ కాంగ్రెస్ పార్టీ నాయకులు, కార్యకర్తలు పాల్గొన్నారు.
