జాతీయ జంప్ రోప్ పోటీల్లో రైన్‌బో విద్యార్థుల

రేణిగుంట మేజర్ న్యూస్: మహారాష్ట్రలోని నాందేడ్‌లో నిర్వహించిన 23వ సబ్ జూనియర్ జాతీయ స్థాయి జంప్ రోప్ ఛాంపియన్‌షిప్ 2026–27 పోటీల్లో రైన్‌బో గ్రూప్ ఆఫ్ స్కూల్స్ విద్యార్థులు సత్తా చాటారు. బాలికలు, బాలుర విభాగాల్లో పలువురు విద్యార్థులు రజత, కాంస్య పతకాలు సాధించడంతో పాటు అంతర్జాతీయ స్థాయి పోటీలకు ఎంపికయ్యారు.బాలికల విభాగంలో కె. ప్రణవి రెండు పతకాలు (రజత, కాంస్య), కె. దీప్తి హనీ, కరుణ్య ఎస్. రజత పతకాలు, కె. కీర్తి, కె. దీపాన్విత కాంస్య పతకాలు సాధించారు. బాలుర విభాగంలో ఎస్లీ నక్షత్ర, దీక్షిత్, రిహాన్ కాంస్య పతకాలు గెలుచుకున్నారు. విజేతలను పాఠశాల యాజమాన్యం అభినందించింది. విద్యార్థుల విజయానికి కృషి చేసిన కోచ్ రెడ్డికుమార్‌ను ప్రత్యేకంగా ప్రశంసిస్తూ, తల్లిదండ్రులకు కృతజ్ఞతలు తెలిపింది.