ప్రమాద బాధితుడు రమణయ్యను పరామర్శించిన టిడిపి నాయకులు.

​కావలి, మేజర్ న్యూస్ :   కావలి పట్టణంలోని 12వ వార్డు నివాసి, ప్రముఖుడు నటుకుల రమణయ్య ఇటీవల ప్రమాదానికి గురై గాయపడిన విషయం తెలుసుకున్న స్థానిక తెలుగుదేశం పార్టీ నాయకులు ఆయనను పరామర్శించారు.  ​బుధవారం టిడిపి 12వ వార్డు ఇన్చార్జి గాదంశెట్టి వేణుగోపాల్, ఆర్యవైశ్య నాయకుడు అనుమాల శెట్టి శివ నేతృత్వంలోని బృందం రమణయ్య గృహానికి వెళ్లి ఆయనను, వారి కుటుంబ సభ్యులను నేరుగా కలిశారు. ఈ సందర్భంగా ప్రమాదం జరిగిన తీరును, ఆయన ఆరోగ్య పరిస్థితిని అడిగి తెలుసుకున్నారు. రమణయ్య త్వరగా కోలుకుని పూర్తి ఆరోగ్యంతో తిరిగి రావాలని వారు ఆకాంక్షించారు. బాధితుడి కుటుంబానికి అన్ని వేళలా అండగా ఉంటామని ఈ సందర్భంగా నాయకులు భరోసా ఇచ్చారు. ​ఈ పరామర్శ కార్యక్రమంలో టిడిపి వార్డు నాయకులు, ఆర్యవైశ్య ప్రముఖులు మరియు స్థానికులు పాల్గొన్నారు.