మూడవ వార్డు బీజేపీ కౌన్సిలర్ నలిశెట్టి శ్రీనివాసులుకు ఘన అభినందనలు

ఆత్మకూరు, మేజర్ న్యూస్ :  ఆత్మకూరు మున్సిపల్ ఎన్నికల్లో మూడవ వార్డు నుంచి భారతీయ జనతా పార్టీ అభ్యర్థిగా పోటీ చేసి అఖండ విజయం సాధించిన కౌన్సిలర్ నలిశెట్టి శ్రీనివాసులును బుధవారం బిజెపి నాయకులు సన్మానించి అభినందనలు తెలిపారు.బీజేపీ, ఎన్డీఏ కూటమి నాయకులు ఆయనను స్వగృహంలో కలిసి ఘనంగా అభినందించారు.
ఈ కార్యక్రమంలో బీజేపీ రాష్ట్ర అధికార ప్రతినిధి కర్ణాటి ఆంజనేయుల రెడ్డి తో పాటు పలువురు స్థానిక నాయకులు, కార్యకర్తలు పాల్గొని శ్రీనివాసులుకు శుభాకాంక్షలు తెలియజేసి, స్వీట్లు పంపిణీ చేస్తూ తమ ఆనందాన్ని వ్యక్తం చేశారు.ఈ కార్యక్రమంలో బిజెపి సీనియర్ నాయకులు కుడుముల సుధాకర్ రెడ్డి, కరటంపాటి సుధాకర్ తదితరులు పాల్గొన్నారు.ఈ సందర్భంగా నాయకులు మాట్లాడుతూ కౌన్సిలర్ శ్రీనివాసులు రాబోయే రోజుల్లో మున్సిపాలిటీలో తనదైన శైలిలో ప్రజాసేవ చేస్తూ, మూడవ వార్డు అభివృద్ధికి కృషి చేసి మంచి పేరు సంపాదించాలని ఆకాంక్షించారు.అనంతరం నలిశెట్టి శ్రీనివాసులు మాట్లాడుతూ మూడవ వార్డులోని సమస్యల పరిష్కారానికి, అభివృద్ధికి తన వంతు కృషి చేస్తానని, తనపై నమ్మకంతో గెలిపించిన ప్రజల ఆశయాలకు అనుగుణంగా పనిచేస్తానని తెలిపారు. తన విజయానికి కృషి చేసిన నాయకులు, కార్యకర్తలు, వార్డు ప్రజలందరికీ, ముఖ్యంగా రాష్ట్ర దేవాదాయ శాఖ మంత్రి  ఆనం రామనారాయణ రెడ్డి కి ప్రత్యేక కృతజ్ఞతలు తెలియజేశారు. మంత్రి ఆనం రామనారాయణ రెడ్డి  పేరు నిలబెట్టే విధంగా ప్రజలకు సేవ చేస్తానని శ్రీనివాసులు పేర్కొన్నారు.