ఎన్నికలు ప్రశాంత నిర్వహణకు సిబ్బంది కి ధన్యవాదాలు

విజయనగరం, సూర్య : నగరపాలక సంస్థ ఎన్నికలను ప్రశాంతంగా నిర్వహించడానికి సహకరించిన సిబ్బందికి కమిషనర్ బాలస్వామి అభినందించారు. ఈ మేరకు ఈరోజు కార్యాలయంలో నిర్వహించిన సమావేశంలో ఆయన మాట్లాడారు. ఎన్నికలు ఎంతో ప్రతిష్టాత్మకంగా చేపట్టామని ప్రతి అంశాన్ని పారదర్శకంగా జవాబుదారీతనంగా సిబ్బందికి నిర్దేశించిన విధులను శతశాతం నిర్వహించినందుకు అభినందనలు తెలుపుతున్నానన్నారు ఇదే ఒరవడి తో రానున్న రోజుల్లో మరిన్ని కార్యక్రమాలను అందరి సమన్వయంతో సమర్థవంతంగా నిర్వహించేందుకు మీ అందరి కృషి అవసరమని అన్నారు. ఈ సమావేశంలో అసిస్టెంట్ సిటీ ప్లానర్లు హరిబాబు, రమణమూర్తి, మేనేజర్ కిరణ్, కార్యాలయం సిబ్బంది పాల్గొన్నారు.