ఇంద్రకీలాద్రిపై మహా చండీదేవి దర్శనానికి పోటెత్తిన భక్తులు.. ఏర్పాట్లను సమీక్షించిన ఉన్నతాధికారులు

ఇంద్రకీలాద్రి, మేజర్ న్యూస్: ఇంద్రకీలాద్రిపై జరుగుతున్న దసరా ఉత్సవాల్లో భాగంగా బుధవారం శ్రీ మహా చండీదేవి అలంకారంలో దర్శనమిస్తున్న కనకదుర్గమ్మను పెద్ద సంఖ్యలో భక్తులు దర్శించుకుంటున్నారు. భక్తులకు ఎక్కడా ఎలాంటి ఇబ్బందులు కలగకుండా వివిధ శాఖల అధికారులు సమన్వయంతో సేవలందిస్తున్నారు. కొండ దిగువన ఉన్న మోడల్ ఇరిగేషన్ గెస్ట్‌హౌస్‌లో ఏర్పాటు చేసిన సమీకృత కమాండ్‌ కంట్రోల్‌ కేంద్రం (ఐసీసీసీ) నుంచి రాష్ట్ర దేవాదాయ శాఖ కార్యదర్శి కె. కన్నబాబు, కమిషనర్‌ రామచంద్ర మోహన్‌, జిల్లా కలెక్టర్‌ డా. జి. లక్ష్మీశ, పోలీస్‌ కమిషనర్‌ ఎస్వీ రాజశేఖరబాబు, ఆలయ ఈవో వీకే శీనానాయక్‌ తదితరులు ఉత్సవాల నిర్వహణ, భక్తుల రద్దీ, భద్రతా ఏర్పాట్లను సమీక్షించారు. అన్ని శాఖలు సమన్వయంతో పనిచేస్తూ భక్తులకు సజావుగా అమ్మవారి దర్శనం కల్పించేలా చర్యలు చేపట్టారు.