గ్రామంలో ఉచిత మెగా వైద్య శిబిరం
గ్రామంలో ఉచిత మెగా వైద్య శిబిరం
జంగారెడ్డిగూడెం-మేజర్ న్యూస్
మానవత స్వచ్ఛంద సేవా సంస్థ ఆధ్వర్యంలో వేగవరం గ్రామంలో ఉచిత మెగా వైద్య శిబిరాన్ని మంగళవారం నిర్వహించారు. సూర్యతేజ హాస్పిటల్ సౌజన్యంతో ఉచిత వైద్య పరీక్షలు, చికిత్స అందించగా, ఏలూరు శంకర నేత్ర చికిత్సాలయం సౌజన్యంతో ఉచిత కంటి వైద్య శిబిరం నిర్వహించారు.
మానవత మండల అధ్యక్షుడు తన్నీరు రామకృష్ణ అధ్యక్షతన, కార్యదర్శి బేతా రమేష్ నిర్వహణలో జరిగిన ఈ కార్యక్రమంలో వైద్యులు, మానవత సభ్యులు, కూటమి నాయకులు, గ్రామ పెద్దలు పాల్గొన్నారు. ఉపాధ్యక్షుడు కుక్కల సత్యనారాయణ వైద్యులు, మానవత సభ్యులకు భోజనం, టిఫిన్ ఖర్చులను భరించారు. ఈ సందర్భంగా ఆయనకు మానవత సభ్యులు కృతజ్ఞతలు తెలిపారు. ఈకార్యక్రమంలో సెంట్రల్ కమిటీ సభ్యుడు మహంకాళి రంగ ప్రసాద్, కన్వీనర్ త్రిపుర రమేష్, మండల చైర్మన్ ఆకుల ధర్మరాజు, జిల్లా ఉపాధ్యక్షుడు దల్లి కేదారేశ్వరరెడ్డి, కార్యవర్గ సభ్యులు గద్దె సత్యనారాయణ, కర్పూరం వెంకన్నబాబు, కన్నా లక్ష్మణరావు, సూర్యతేజ హాస్పిటల్ డైరెక్టర్ పోల్నాటి రాజా తదితరులు పాల్గొన్నారు.
కె.వి.రమణారావు జంగారెడ్డిగూడెం
