గ్రామపంచాయతీ ఎన్నికల నేపథ్యంలో పోలీస్ స్టేషన్లను తనిఖీ చేసిన జిల్లా ఎస్పీ జగదీష్ ఆదహళ్లి

పల్నాడు జిల్లా : రానున్న గ్రామపంచాయతీ ఎన్నికలను దృష్టిలో ఉంచుకుని జిల్లా ఎస్పీ జగదీష్ ఆదహళ్లి బెల్లంకొండ, మాచవరం పోలీస్ స్టేషన్లను తనిఖీ చేశారు. ఈ సందర్భంగా ఆయా పోలీస్ స్టేషన్ల పరిధిలో ఎన్నికల భద్రతకు సంబంధించి చేపట్టిన ఏర్పాట్లను పరిశీలించి, పోలీస్ అధికారులతో సమీక్ష నిర్వహించారు. ఈ సందర్భంగా ఎస్పీ మాట్లాడుతూ ఎన్నికల నేపథ్యంలో సమస్యాత్మక గ్రామాలను ముందుగానే గుర్తించి, ఆయా ప్రాంతాల్లో ప్రత్యేక నిఘా ఏర్పాటు చేయాలని ఆదేశించారు. ఎన్నికల ప్రవర్తనా నియమావ ళిని కచ్చితంగా అమలు చేయాలని, ఎలాంటి అవాంఛనీయ సంఘటనలకు తావులేకుండా ముందస్తు చర్యలు చేపట్టాలని సూచించారు. గ్రామ పంచాయతీ ఎన్నికలు ప్రశాంత వాతావరణంలో శాంతిభద్రతలకు విఘాతం కలగకుండా నిర్వహించేందుకు పోలీస్ అధికారులు అప్రమత్తంగా ఉండాలని ఎస్పీ స్పష్టం చేశారు.

 మల్లికార్జున్ రావు పల్నాడు జిల్లా ఇన్చార్జి